This text is part of:
Click on a word to bring up parses, dictionary entries, and frequency statistics
[13]
Quibus de rebus, quoniam nobis contigit, ut iidem
et in gerenda re publica aliquid essemus memoria
dignum consecuti et in explicandis rationibus rerum
civilium quandam facultatem non modo usu,
sed etiam studio discendi et docendi † essemus auctores, cum superiores alii fuissent in disputationibus perpoliti, quorum res gestae nullae invenirentur, alii in
gerendo probabiles, in disserendo rudes. Nec vero
nostra quaedam est instituenda nova et a nobis inventa ratio, sed unius aetatis clarissimorum ac sapientissimorum nostrae civitatis virorum disputatio
repetenda memoria est, quae mihi tibique
quondam adulescentulo est a P. Rutilio Rufo, Smyrnae [p. 278]
cum simul essemus compluris dies, exposita, in qua
nihil fere, quod magno opere ad rationes omnium
rerum pertineret, est praetermissum.
9.
M. Tullius Cicero. Librorum de Re Publica Sex. C. F. W. Mueller. Leipzig. Teubner. 1889. Scanned printed text.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.