Atticus
Lucus quidem ille et haec
Arpinatium quercus agnoscitur, saepe a me lectus
in Mario: si enim manet illa quercus, haec est profecto; etenim est sane uetus.
Quintus
Manet uero, Attice noster, et semper
manebit: sata est enim ingenio. Nullius autem agricolae cultu stirps tam diuturna quam poetae uersu
seminari potest.
Atticus
Quo tandem modo, Quinte? Aut quale
est istuc quod poetae serunt? Mihi enim uideris
fratrem laudando suffragari tibi.
This text is part of:
Click on a word to bring up parses, dictionary entries, and frequency statistics
M. Tullius Cicero. De Legibus. Georges de Plinval. Paris. Belles Lettres. 1959. Scanned printed text.
The National Endowment for the Humanities provided support for entering this text.
