Asklepios
Asklepios (Grieks: Ἀσκληπιός) was in die Griekse mitologie die god van medisyne en genesing. Sy dogters was Hugieia ("Gesondheid"), Iaso ("Medisyne"), Akeso ("Genesing"), Aglaia ("Gesonde Gloed") en Panakea ("Universele Geneesmiddel"). Die staf van Asklepios met ’n slang daarom is vandag steeds die simbool van medisyne.
| Asklepios | |
|---|---|
| Griekse god | |
 'n Tekening van 'n beeld van Asklepios in die Louvre.
| |
| Naam | Asklepios |
| God van | Medisyne, genesing, vernuwing en dokters |
| Simbool | staf van Asklepios |
| Vrou | Epione |
| Ouers | Apollo en Koronis |
| Kinders | Hugieia (dogter) Iaso (dogter) Akeso (dogter) Aglaia (dogter) Panakea (dogter) Machaon (seun) Podalirius (seun) Telesphoros (seun) Aratus (seun) |
| Romeinse eweknie | Vejovis |
Mite
wysigGeboorte
wysigAsklepios was die seun van Apollo en Koronis. Sy ma is doodgemaak omdat sy ontrou aan Apollo was en is op ’n brandstapel neergelê, maar die ongebore kind is uit haar baarmoeder gered. Apollo het die baba na die sentour Chiron geneem, wat hom grootgemaak en in medisyne opgelei het.[1]
Vrou en kinders
wysigAsklepios was met Epione getroud en hulle het ses dogters (Hugieia, Meditrina (die slangdraer), Panakea, Akeso, Iaso en Aglaia)[2][3] en drie seuns (Machaon, Podaleirios en Telesforos) gehad. Hy het ook ’n seun, Aratus, by Aristodama gehad.
Dood
wysigZeus het Asklepios met ’n weerligstraal doodgemaak omdat Asklepios Hippolutus uit die dood opgewek en goud daarvoor aanvaar het.[4]
Verwysings
wysig- Hierdie artikel is merendeels vertaal vanaf die Engelse Wikipedia-artikel en:Asclepius
- ↑ Pindar, Pythian Ode 3. 5 ff (trans. Conway) (Greek lyric C5th B.C.)
- ↑ Greek Lyric V Anonymous, Fragments 939 (Inscription from Erythrai) (trans. Campbell) (B.C.)
- ↑ Suda s.v. Epione (trans. Suda On Line) (Byzantine Greek lexicon C10th A.D.)
- ↑ Philodemus, On Piety (trans. Campbell, Vol. Greek Lyric IV Stesichorus Frag 147 & Cinesias Frag 774) (C7th to 6th B.C.)