Grootlangtoon

Grootlangtoon
Bewaringstatus
	; Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Charadriiformes
Familie:	Jacanidae
Genus:	Actophilornis
Spesie:	A. africanus
Binomiale naam
	Actophilornis africanus; (Gmelin, 1789)
	verspreiding

Die grootlangtoon (Actophilornis africanus) is 'n watervoël wat identifiseerbaar is aan hulle lang bene en groot pote, wat dit vir hulle moontlik maak om op drywende waterplante in waterleliepanne, damme of stadigvloeiende riviere te loop. Jonges het 'n swart streep deur die oë en 'n swart kroon. Dit uiter 'n "kyoum"-geluid in vlug of op die grond. Hou een-een of in verspreide groepies wat mekaar lawaaierig rondjaag; vlieg laag oor kort afstande. 'n Algemene standvoël.

Identifikasie

40 cm in lengte.

Habitat

Vlak water-areas met drywende waterplante.

Verspreiding

Wydverspreid in Afrika in tropiese en subtropiese gebiede. In Madagaskar word 'n naverwante spesie, die Madagaskarlangtoon aangetref. Die familie bestaan uit ses genera wat wêreldwyd in tropiese en subtropiese gebiede aangetref word.

Geluid

"kyoum"

Ander name

In Engels staan dit as die African jacana bekend, en in Duits as die Blaustirn-Blatthühnchen.

Galery

Nes op akwatiese plante naby Skukuza in die Krugerwildtuin
'n Legsel van die naverwante Madagaskarlangtoon
'n Kuiken in gevangeneskap