Heidi Pitout
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Heidi Pitout, gebore op 14 Februarie 1994 in Zastron, Vrystaat, is ʼn Afrikaanse sangeres. Sy het gematrikuleer aan Hoërskool Staatspresident Swart in Brandfort.
Loopbaan
wysigIn 2016 het Pitout na Pretoria verhuis om haar sangloopbaan te bevorder. Sy is ʼn platekontrak aangebied by Maroela Musiek en het vir ʼn paar maande saam met die sanger, Dirk van der Westhuizen, getoer en het ook ʼn enkelsnit saam met hom vrygestel, Wie bestuur nou my hart, in 2017. Sy het ook dadelik begin werk aan haar debuut album, Wat ʼn hart laat lag, vrygestel in 2017. In 2018 het sy haar volgende enkelsnit, Tussen die lyne, vrygestel.
In 2019 het Heidie ʼn enkelsnit by Johan Oberholzer gekoop en het daaraan begin werk om die liedjie uniek aan haar eie styl te maak en in 2020 is die enkelsnit, ʼn Hele week, vrygestel tesame met ʼn musiekvideo.
Enkelsnitte
wysig- Wie bestuur nou my hart – saam met Dirk van der Westhuizen (2017)
- Wondergom (2017)
- Tussen die lyne (2018)
- ʼn Hele week (2020)
Albums
wysig- Wat ʼn hart laat lag (2017)
Toekennings
wysig- Ghoema-nominasie: Beste Pop Album deur ʼn vroulike kunstenaar (2018)
- Ghoema-nominasie: Publiek se gunsteling vroulike kunstenaar (2018)