Joshua Bell
Joshua David Bell (* 9 Desember 1967 – ) is 'n Amerikaanse violis en dirigent. Sy instrument is die Gibson Stradivarius-viool.
Joshua Bell | |
|---|---|
 Bell na 'n uitvoering met die San Francisco Simfonieorkes, 2010 | |
| Agtergrondinligting | |
| Gebore | 9 Desember 1967 Bloomington, Indiana, VSA |
| Genres | Klassiek |
| Beroep(e) | Violis en dirigent |
| Instrumente | Viool |
| Jare aktief | 1980s–teenswoordig |
| Webwerf | joshuabell.com/ |
Loopbaan
wysig- Piano Trio No. 1 in D minor, Op. 49 – 4. Finale: Allegro assai appassionato (lêerinligting) — speel in blaaier (beta)
- Bell, Awadagin Pratt, and Alisa Weilerstein perform Mendelssohn's Piano Trio No. 1 at the White House Evening of Classical Music on November 4, 2009.
- Probleme om na lêer te luister? Sien die mediahulp.
Bell het in 1985 op sewentienjarige ouderdom sy buiging by Carnegie Hall saam met die St. Louis Simfonieorkes gemaak. Hy het sedertdien saam met verskeie van die wêreld se voorste orkeste en dirigente opgetree. Bell het bykomend tot die standaard-concerto repertoire ook nuwe werke uitgevoer. Nicholas Maw se vioolconcerto is aan Bell gewy, wat in 1993 die eerste uitvoering daarvan gelewer het en 'n Grammy vir sy opname daarvan gewen het. Hy het die solodeel van John Corigliano se Oscar-bekroonde klankbaan vir die rolprent The Red Violin gespeel. Bell het saam met ander gerekende violiste in die rolprent Music of the Heart verskyn, naamlik 'n verhaal oor die krag van musiek.
Sy unieke instrument
wysigBell se instrument is 'n 300-jaar oue Stradivariusviool genaamd die Gibson ex Huberman wat in 1713 gemaak is gedurende die tydperk wat vandag as Antonio Stradivari se "Goue Era" bekendstaan. Die viool is twee keer van die vorige eienaar (Bronisław Huberman) gesteel. Die laaste keer het die dief op sy sterfbed bely dat hy dit gesteel het.[1] Bell het die viool reeds bespeel, toe die eienaar daarvan op daardie stadium, die violis Norbert Brainin grappenderwys aan Bell gesê het dat die viool vir viermiljoen VS-dollar syne kon wees.
Bell was op 3 Augustus 2001 in Londen om tydens die Proms te speel. Hy het voor die konsert by J & A Beare aangeklop. Hy het aldaar te wete gekom dat die viool daar was, en dat dit op die punt was om aan 'n Duitse industrialis verkoop te word ten einde deel van 'n versameling te word. Bell het die viool nog daardie selfde aand tydens die Proms bespeel.[2] Hy het later sy vorige viool, die Tom Taylor Stradivarius,[3] vir bietjie meer as twee miljoen dollar verkoop en die Gibson ex Huberman vir bietjie minder as vier miljoen Dollar aangeskaf. Die verhaal van die diefstal, teruggawe en gevolglike aankoop deur Bell word in die 2013 dokumentêre program, The Return of the Violin, waarvan Haim Hecht die regisseur is, vertel.[4] Bell se eerste opname wat met die viool gemaak was, was Romance of the Violin (vir Sony Classical Records) in 2003.
Verdere prestasies
wysigBell het vanaf 2004 tot 2007 as die kunsvennoot van die Sint Paul Kamerorkes gedien, en ook as besoekende professor by die Koninklike Akademie van Musiek in Londen. Hy dien ook op die kunstenaarskeurkomitee vir die Kennedy Center Honors en is 'n adjunk-assosiaatprofessor by die Massachusetts Instituut van Tegnologie.[5]
Die Avery Fisher-prys is op 10 April 2007 by die Lincoln Center in New York Stad aan Bell toegeken. Die prys word elke paar jaar toegestaan aan klassieke instrumentaliste vir uitstaande prestasie. Die Indiana Universiteit se Jacobs School of Music het op 3 Mei 2007 aangekondig dat Bell by die fakulteit aangesluit het as 'n seniorlektor.[6][7]Bell het saamgewerk met die rolprent-komponis Hans Zimmer deurdat hy solostukke vir die klankbaan van die rolprent Angels & Demons gespeel het, welke rolprent gebaseer is op Dan Brown se roman met dieselfde naam.
Bell is in Mei 2011 as die nuwe Musikale Direkteur van die Academy of St Martin in the Fields (ASMF) aangewys.[8][9] Bell het kommersiële opnames saam met die ASMF vir die Sony Classical plate-etiket gemaak.[10] In Julie 2017 het die ASMF die verlenging van Bell se kontrak aangekondig, met inbegrip van 2020[11] Bell en die orkes het die 17de (2017) Helpmann Toekenning vir Beste Individuele Klassieke Musiek Uitvoering gewen.[12]
Verwysings
wysig- ↑ Verwysingfout: Invalid
<ref>tag; no text was provided for refs namedwp - ↑ Joshua Bell (26 Januarie 2017). "Joshua Bell: Here's the story behind my very famous, once-stolen violin". Tampa Bay Times (in Engels). Geargiveer vanaf die oorspronklike op 26 Augustus 2019. Besoek op 5 Augustus 2017.
- ↑ "Antonio Stradivari, Cremona, c. 1732, the 'Tom Taylor'" Geargiveer 7 Februarie 2010 op Wayback Machine, besoek, 2 Oktober 2013
- ↑ Andrew Druckenbrod (11 April 2013). "Joshua Bell treasures the Stradivarius at center of 'Return of the Violin'". Pittsburgh Post-Gazette. Besoek op 5 Augustus 2017.
- ↑ E-strings for the future musician. BBC News, 18 Julie 2002. URL besoek op 28 Januarie 2007.
- ↑ Joshua Bell to join IU Jacobs School of Music faculty
- ↑ "Joshua Bell – Senior Lecturer in Music (Violin; Chamber Music)"
- ↑ "Joshua Bell is the new music director of the Academy of St Martin in the Fields", Gramophone, 27 Mei 2011. Opgespoor 29 Mei 2011.
- ↑ "Joshua Bell Named Music Director of Academy of St. Martin in the Fields" by Rory Williams, Strings Magazine (27 Mei 2011
- ↑ Melissa Block (15 Februarie 2013). "From Bow To Baton: Violinist Joshua Bell Conducts Beethoven". National Public Radio - All Things Considered (in Engels). Geargiveer vanaf die oorspronklike op 26 Augustus 2019. Besoek op 5 Augustus 2017.
- ↑ Academy of St Martin in the Fields (27 July 2017). "Academy of St Martin in the Fields Music Director Joshua Bell renews contract for a further three years". Persberig. http://www.asmf.org/wp-content/uploads/2017/07/ASMF-2017-18-Season-Press-Release.pdf. Besoek op 2017-08-02.
- ↑ "Helpmann Awards 2017 winners: Kosky's Saul and Belvoir's The Drover's Wife dominate" by Hannah Francis, The Sydney Morning Herald, 25 Julie 2017
Eksterne skakels
wysig| Wikimedia Commons bevat media in verband met Joshua Bell. |
- Amptelike webwerf
- Joshua Bell by AllMusic
- Joshua Bell in die Internet-rolprentdatabasis
- Joshua Bell on IMG Artists, General Management
- "Bell Man", deur Mandy Katz; in-diepte profiel in moment tydskrif
- Onderhoud op The Diane Rehm Show radioprogram
- Bach & friends Dokumentêre program