Kleinmond
Kleinmond, 'n kusdorp in die Wes-Kaap se Overbergstreek, is een van die dorpe in die Overstrand Plaaslike Munisipaliteit en is geleë tussen Bettysbaai en Hawston naby Hermanus. Die R44 provinsiale pad gaan deur die dorp.
Kleinmond | |
|---|---|
Dorp | |
 'n Uitsig oor Kleinmond | |
  Kleinmond Kleinmond se ligging in Wes-Kaap | |
| Koördinate: 34°21′S 19°02′O / 34.350°S 19.033°O | |
| Land |  Suid-Afrika |
| Provinsie | Wes-Kaap |
| Distrik | Overberg |
| Munisipaliteit | Overstrand |
| Oppervlak | |
| • Totaal | 7,13 km2 (2,75 vk. myl) |
| Bevolking (2011)[1] | |
| • Totaal | 6 634 |
| • Digtheid | 930/km2 (2 400/vk. myl) |
| Rasverdeling (2011) | |
| • Wit mense | 36.3% |
| • Indiërs/Asiërs | 0.3% |
| • Bruin mense | 27.6% |
| • Swart mense | 34.8% |
| • Ander | 0.9% |
| Taal (2011) | |
| • Afrikaans | 60.1% |
| • Xhosa | 25.5% |
| • Engels | 7.6% |
| • Suid-Sotho | 3.2% |
| • Ander | 3.5% |
| Poskode (strate) | 7195 |
| Poskode (posbusse) | 7195 |
| Skakelkode | 028 |
| Webwerf | www.kleinmondtourism.co.za |
Agtergrond
wysigDaar is bewyse, in die vorm van bylkoppe van klip, dat daar sowat 20 000 jaar gelede (die tyd van die Neandertal-mense in Europa) reeds mense in die omgewing van Hangklip gewoon het. Inligting oor die gebied bestaan sedert die sewentiende eeu op skrif.[2]
Die dorp het 'n permanente bevolking van ongeveer 4 000 persone, maar word in vakansietye deur ongeveer 20 000 mense bewoon.
Kleinmond se ekonomie is hoofsaaklik van toerisme afhanklik. Die dorpie se dienstesektor is goed ontwikkel en maak voorsiening vir die meeste behoeftes van sy inwoners en besoekers. Dit is ook 'n gesogte aftreedorp. Die strand is as 'n blouvlagstrand gesertifiseer.
Wapen
wysigKleinmond het vanaf 1959 tot 1996 sy eie munisipaliteit gehad. Die raad het in 1970 'n wapen by die Buro vir Heraldiek geregistreer: Gedeel in drie: I, in groen, 'n Latynse kruis van silwer; II, in silwer, 'n golwende blou staak; III, in oranje, 'n protea gestengel en geblaar van natuurlike kleur; 'n golwende blou skildvoet belaai met drie golwende streepbalke van silwer en daaroorheen 'n swemmende vis van natuurlike kleur deurboor met 'n swart weerhaak. Die helmteken was 'n stygende seemeeu op 'n goue muurkroon, en die wapenspreuk "Ora et labora".[3]
Die munisipaliteit se opvolger, die Hangklip/Kleinmond-oorgangsraad, het die wapen in 1997 op sy naam herregistreer.[3]
Omgewing
wysigDie Palmietrivier-opvanggebied aan die weste is 'n ekologies-sensitiewe area, waar goeie eksemplare van fynbos waargeneem kan word. Die rivier met sy donker palmietwater is ook 'n gesogte swemplek, een van die min riviere in die Wes-Kaap waar mense in suiwer water kan swem.
Naby aan Kleinmond is daar die Kogelberg Natuurreservaat, maar toegang is slegs moontlik met 'n geldige permit.
Aan die oostekant van die dorp is daar 'n toegangspad na die Botriviervlei, 'n gebied waar die beroemde wilde perde gedy, en voëlkykers die bedreigde swarttobie kan sien.
Die bergreeks agter die dorp het goed-ontwikkelde wandelpaaie wat 'n manjifieke uitsig op die kuslyn en vleilandskap bied.
Vanaf Junie tot November, kan walvisse gesien word vanaf die kuslyn, waar hulle kom om te paar en te kalf.[4]
Sien ook
wysigVerwysings
wysig- ↑ 1,0 1,1 1,2 1,3 "Hoofplek Kleinmond". Sensus 2011.
- ↑ du Toit, Jean (2017). Kleinmond se storie. Kleinmond. p. 5.
{{cite book}}: AS1-onderhoud: plek sonder uitgewer (link) - ↑ 3,0 3,1 National Archives of South Africa : Data of the Bureau of Heraldry.
- ↑ "Kleinmond" (in Engels). icon. Geargiveer vanaf die oorspronklike op 22 Februarie 2011. Besoek op 16 Februarie 2012.
Eksterne skakels
wysig
Wikimedia Commons het meer media in die kategorie Kleinmond.- Kleinmond Xplorio Gemeenskaplike webtuiste vir Kleinmond
