Monopoly
Monopoly is een van die bekendste bordspele en is gemaak deur Hasbro en Parker Brothers. Deelnemers kompeteer om rykdom te vermag deur gestileerde ekonomiese aktiwiteite, soos die koop, huur en verhandel van eiendom. Speelgeld word gebruik en deelnemers maak beurte om oor die bord te skuif met behulp van twee dobbelstene. Die spel is na die ekonomiese konsep "monopolie" vernoem: die dominering van 'n mark deur 'n enkele verskaffer.
Sedert Charles Darrow die speletjie in 1935 gepatenteer het (aldus Hasbro), het 750 miljoen mense dit gespeel, wat dit die mees gespeelde kommersiële bordspeletjie in die wêreld maak. Die 1999 Wêreldrekordboek deur Guinness het Hasbro se vorige statistiek van 500 miljoen mense aangehaal. Die speletjie is in meer as 103 lande gelisensieer en in meer as 37 tale gedruk. In 2015 is daar beraam dat die speletjie wêreldwyd 275 miljoen kopieë verkoop het.[1]
Met die uitreiking van die oorspronklike Suid-Afrikaanse weergawe was Eloffstraat die waardevolste eiendom in die vier stede wat destyds deel was van die spel: Johannesburg, Kaapstad, Bloemfontein en Durban. Indertyd kon spelers eiendom in Eloffstraat koop vir R400. In die jongste plaaslike weergawe, dié van 2002, is die tradisionele eiendomme in middestede verruil vir meer eksklusiewe eiendomme (soos R40 000 vir eiendom in Clifton) en is die strate in die vier stede vervang deur stede, buurte en bakens.[2]
Monopoly is afgelei van The Landlord's Game, geskep deur Lizzie Magie in die Verenigde State in 1903 as 'n manier om te demonstreer dat 'n ekonomie wat individue beloon, beter is as een waar monopolieë al die rykdom hou.[3] en om die ekonomiese teorieë van Henry George te bevorder - veral sy idees oor belasting.[4]
Verwysings
wysig- ↑ Leopold, Todd (19 Maart 2015). "Monopoly: At 80, it just keeps 'Go'-ing". CNN. Besoek op 31 Julie 2022.
{{cite web}}: AS1-onderhoud: url-status (link) - ↑ (en) These are the richest streets that should be on SA’s Monopoly board. URl besoek op 26 Augustus 2016.
- ↑ Pilon, Mary (13 Februarie 2015). "Monopoly's Inventor: The Progressive Who Didn't Pass 'Go'". The New York Times. Besoek op 14 Februarie 2015.
- ↑ Wagner, Erica (24 Junie 2015). "Do not pass go: the tangled roots of Monopoly". New Statesman. Besoek op 31 Julie 2022.
{{cite web}}: AS1-onderhoud: url-status (link)
Eksterne skakels
wysig
Wikimedia Commons het meer media in die kategorie Monopoly.
