Pous Anterus

Anterus (ook Anteros of Anterius) was die negentiende pous van die Rooms-Katolieke Kerk.

Pous Anterus
Geboortenaam	Anterus
Pontifikaat begin	21 November 235
Pontifikaat eindig	3 Januarie 236
Voorganger	Pontianus
Opvolger	Fabianus
Gebore	Petilia Policastro, Calabria
Sterf	3 Januarie 236 Rome, Italië

Biografie

Pous Anterus was van Griekse afkoms. Op 21 November 235 volg hy Pous Pontianus op nadat hy (Pontianus) uit Rome verban is en word in 236 opgevolg deur Pous Fabianus. Hy is oorlede tydens die Christenvervolgings van keiser Maximus. Die naam Anterus is 'n Latynse vorm van die naam van die Griekse god Anteros die god van die versmade liefde.

Pontifikaat

Pous Anterus is op 21 November 235 verkies na 'n vakature van sewe en tagtig dae. Sy pontifikaat tot 3 Januarie 236 was net 43 dae lank en hy was heeltyd in die gevangenis. Hy het gesorg dat die aktes van al die martelare versamel is. Hy is een van die eerste pouse wat in die kript van die Callixtus katakombe begrawe is. Sy graf is in 1854 herontdek.

Verering

Weens sy martelaarskap is hy heilig verklaar. Die Rooms-Katolieke Kerk vier sy feesdag op 3 Januarie en die Oosters-Ortodokse Kerk vier dit op 5 Augustus.

Verwysings

• Marucchi, Orazio (2003). Manual of Christian Archeology 1935. Kessinger Publishing. ISBN 0-7661-4247-7 bl. 48.
• Levillain, Philippe (2002). The Papacy: An Encyclopedia. London: Routledge. ISBN 0-415-92228-3; bl. 557; bl. 63.
• M. Christol, q.v., Dictionnaire historique de la papauté, s. dir. Philippe Levillain, Fayard, Paris, 2003 (ISBN 2213618577) ;
• J. Moreau, La persécution du christianisme dans l'Empire romain, PUF, 1956, bl. 89–91.

Eksterne skakels

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Pontianus

Biskop van Rome 235 – 236

Opgevolg deur Fabianus