Thyreophora

Thyreophora ("pantserdraers", dikwels "gepantserde dinosourusse" genoem) was ’n subgroep van die ornitiskium-dinosourusse. Hulle was gepantserde, plantvretende diere wat van die Vroeë Jura tot aan die einde van die Kryt-periode bestaan het.

Thyreophora Tydperk: Vroeë Jura-Laat Kryt 199.6–66 m. jaar gelede T J K Pg N
’n Skelet van Mymoorapelta maysi (Makuhari Messe).
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Superorde:	Dinosauria
Orde:	†Ornithischia
Suborde:	†Thyreophora (Nopcsa, 1915)
Superfamilies
†Stegosauria †Ankylosauria

Thyreophora
Kladistiese klassifikasie
Koninkryk: Animalia Filum: Chordata Klade: Dinosauria Orde: †Ornithischia Klade: †Genasauria Klade: †Thyreophora (Nopcsa, 1915)

Hulle is gekenmerk deur skildagtige panters wat in longitudinale rye gerankskik was. Primitiewe vorme het plate, of osteoderma, gehad en die lateres ingewikkelder strukture, insluitende skerp punte en plate. Die meeste het ’n relatief klein brein vir hul liggaamsgrootte gehad.

Thyreophora sluit bekende superfamilies/subordes soos Ankylosauria en Stegosauria in, sowel as minder bekende groepe. In albei eersgenoemde groepe was die voorpote baie korter as die agterstes, en dit is veral opmerklik in die stegosouriërs. Die twee hoofgroepe van Ankylosauria is Ankylosauridae en Nodosauridae.

Klassifikasie

Die volgende indeling volg hoofsaaklik dié van Butler et al., 2011, en Thompson et al., 2011.

• Thyreophora
  • Emausaurus
  • Scutellosaurus
  • ?Tatisaurus
  • Thyreophoroidea
    • Scelidosauridae
      • ?Bienosaurus
      • ?Lusitanosaurus
      • Scelidosaurus
    • Eurypoda
      • Ankylosauria
        • Ankylosauridae
        • Nodosauridae
      • Stegosauria
        • Huayangosauridae
        • Stegosauridae