Visarend

Die visarend (Haliaeetus vocifer) is 'n groot roofvoël met 'n wit kop en bors met 'n bruin pens en hoofvlerke. Hierdie arend het swart en bruin ondervlerke en 'n wit stert. Dit is die nasionale voël van lande soos Namibië, Malawi, Zambië, Suid-Soedan en Zimbabwe. In Engels staan die voël bekend as die African Fish Eagle.

Visarend
Visarend wat pas 'n vis gevang het.
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Falconiformes
Familie:	Accipitridae
Genus:	Haliaeetus
Spesie:	H. vocifer
Binomiale naam
Haliaeetus vocifer (Daudin, 1800)

Identifikasie

Behalwe vir die kenmerkende roep, is die volwasse visarend bekend vir sy uitkenbare kleure soos hierbo genoem. Volwasse voëls word 63–73 cm hoog. Die wyfie word effens groter as die mannetjie.

Habitat

Groot riviere, damme en mere en ook aan kusgebiede.

Verspreiding

Die visarend is 'n algemene standvoël in Suid-Afrika.

Roep

'n Kenmerkende lang "kyeow-kou-kou"-roep.

Nasionale embleem

Die visarend is een van Namibië se wapendiere, asook Suid-Soedan en Zambië se wapendier. Beide die nasionale krieketspan en nasionale rugbyspan van Namibië vertoon dié wapendier in hul embleme en die Namibiese nasionale krieketspan se bynaam "Arende" is aan die visarend ontleen.

Fotogalery

• 
  Eier van 'n visarend.
• 
  'n Visarend in vlug.
• 
  Kop van 'n visarend, wat sy uiters goeie sig aandui.
• 
  'n Driejarige visarend in Tanzanië.
• 
  Visarend vreet 'n vis in die Nasionale Chobewildtuin, Botswana.

Sien ook

• Lys van Suid-Afrikaanse voëls (alfabeties)
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika, Ian Sinclair, Phil Hockey en Warwick Tarboton, Eerste uitgawe 1993, Struik Uitgewers. ISBN 978-1-86872-743-8

Eksterne skakels

• Wikimedia Commons het meer media in die kategorie Visarend.

• Wikispecies het meer inligting verwant aan Visarend