Frits Naudé
Fritz Naudé | |
---|---|
Gebore | Frederik Johannes Naudé 29 Desember 1947 |
Sterf | 1 Januarie 2014 |
Nasionaliteit | Suid-Afrika |
Beroep | Verkoopsman |
Bekend vir | Beskuldigde in Boeremagsaak |
Fritz Naudé (1947–2014) was 'n beskuldigde in die sogenaamde Boeremagsaak, een van die langste en duurste sake tot dusver in Suid-Afrika.[1]
Biografie
[wysig | wysig bron]Frederik Johannes Naudé is op 29 Desember 1947 gebore en het op 'n plaas by Clarens grootgeword. Hy gaan op Bethlehem skool, waar hy ook die grootste deel sy lewe woon. Hy was getroud; twee seuns en 'n dogter is uit die huwelik gebore. Ná skool bemark hy trekkers en implemente in Bethlehem en omgewing, en was onder die boere van die omliggende distrikte bekend.
In 1962, op 14-jarige ouderdom word hulle plaas aanval en sy oupa en vroulike familielede met doringdraad vasgebind en wreed aangerand. Teen 1990 word sy een neef en dié se vrou doodgeskiet en in 1994 word 'n ander neef van hom in sy bed doodgeslaan.[2] Teen die agtergrond hiervan moes hy deur sy lewe maatreëls tref om hom en sy familie teen sulke aanvalle te beskerm.
Op 31 Oktober 2002 word hy in hegtenis geneem as beskuldigde 10 in die Boeremagsaak, maar word in Januarie 2003 op borgtog vrygelaat. Hy oorleef drie hartaanvalle en talle beroertes tydens die verhoor en is in 'n inrigting vir verswaktes versorg.
Teen die einde van die hofsaak kon Naudé nie aanwysings aan sy regsverteenwoordiger gee nie weens sy siekte. Ná 'n uitmergelende 10 jaar bevind die regter dat, indien sy gesondheid nie binne 'n jaar verbeter nie, hy geag as gewaarsku en ontslaan sal wees.
Hy is op 1 Januarie 2014 om vyfuur die oggend ná 'n lang siekbed oorlede.
Verwysings
[wysig | wysig bron]- ↑ Verhoor is een van die duurstes Geargiveer 4 November 2013 op Wayback Machine, Beeld, 30 Oktober 2013
- ↑ Boeremag-uitspraak: Dag 9 (Aflewering 2) en Dag 10, Die Vryburger, 4 Augustus 2012