Perkūnas

Baltiese godsdiens
Hoofartikels
Baltiese godsdiens Baltiese mitologie Pruisiese mitologie · Litause mitologie · Letlandse mitologie
Hoofgodhede
Perkūnas · Gabija · Žemyna · Dievas Patulas · Pikuolis · Patrimpas Laima · Medeina · Velnias
Heiligdomme en aanbidding
Alka · Romuva · Boomkultus Krivis · Vaidilutės · Krivūlė
Rekonstruksie
Baltiese neopaganisme Romuva (godsdiens) · Dievturība · Druwi

Perkūnas (Litaus: Perkūnas, Lets: Pērkons, Pruisies: Perkūns, Jotwingies/Sudowies: Perkus) is die Baltiese hemels- en dondergod en een van die belangrikste godhede in die Baltiese pantheon. Sy naam word soms as 'n sinoniem vir 'n donderstorm gebruik. Die Oud-Pruisiese woord percunis word slegs in die Elbingse Woordelys genoem en hier met "donder" vertaal – daar is geen verwysings na 'n mitologiese of religieuse betekenis nie.

In die Litause en Letse mitologie en godsdiens is Perkūnas as die god van donder, reën, berge, eikebome en as hemelsgod gedokumenteer. Hy is een van die godhede in die Baltiese pantheon waarna die meeste verwys word en ook vandag nog algemeen bekend. In die Nieuheidense bewegings van Litaue en Letland speel Perkūnas 'n sentrale rol.