Spiegelbärg
Spiegelbärg, uf Französisch Muriaux, isch e politeschi Gmeind im Bezirk Freibärge vom Kanton Jura i der Schwiiz.
Muriaux | |
---|---|
![]() | |
Basisdate | |
Staat: | Schwiiz |
Kanton: | Jura (JU) |
Bezirk: | Franches-Montagnes |
BFS-Nr.: | 6753 |
Poschtleitzahl: | 2338 Muriaux 2345 Le Peuchapatte |
Koordinate: | 565218 / 233088 |
Höchi: | 947 m ü. M. |
Flächi: | 16,88 km² |
Iiwohner: | 511 (31. Dezämber 2022)[1] |
Website: | www.muriaux.ch |
Charte | |
![]() |
Wappe
ändereS Gmeindwappe chunt vo de Herre vo Spiegelbärg. Es zeigt über em grüene Bärg en Spiegel mit rotem Rand.[2]
Geografii
ändereS Dorf Muriaux liit uf der Hochflechi vo de Freibärge im Jura. D Gmeindflechi vo Spiegelbärg bestoot us zwei vonenand trennte Areal. Dr nördlech Deil mid em Dorf Muriaux liit a dr Strooss und dr Ysebaanlinie vo Schwarzebärg uf St. Leodegar (frz.: Saignelégier), und au d Ysebaanlinie vo Schwarzebärg uf Tramlige goot do dure, und der südlech Deil mit der ehemolige Gmeind Le Peuchappatte, wo sid 2009 au zu Spiegelbärg ghört, isch am Nordhang vom Bärg Mont Soleil und a der Kantonsgränze zum Kanton Bärn. Zwüsche de beide Gmeinddeil sind d Gmeindbänn vo Schwarzebärg und Brandisholz (frz.: Les Breuleux).
Nördlech vom Gmeindgebiet vo Spiegelbärg lauft dr Doubs imene töif ygschnittene Taal. Uf em Chalchfelse Arête des Sommêtres höch über em Doubs stoot d Ruine vo der Burg Spiegelbärg.
Zu dr Gmeind ghöre i dr wyte Hügellandschaft und zwüsche de grosse Tannewälder d Wiiler Les Emibois, Les Ecarres, Les Chenevières, Le Cratat Loviat, Les Peux, Le Roselet, Le Peuchappatte und Cerneux-Veusil und es baar verstreuti Buurehööf.
Wo ane 1999 der Plan für ne Regionaale Naturpark Doubs gründet worden isch, het d Gmeind Muriaux als einzegi uf de Freibärge nit welle mitmache.[3] Ane 2011 isch den doch en Abmachig zwüschem Verein vom Regionalpark (APNRD) und dere Gmeind z Stand cho, wo dermit au die Lücke im Parkareal het chönne gschlosse wärde.[4]
Gschicht
ändereDer Name vom Adelsgschlächt Mireval isch ane 1315 s erschte Mol erwäänt. S Dorf het im Middelalter zum Schloss Spiegelbärg ghört, wo der Landvogt vom Bischof vo Basel i de Freibärge druff gwoont het.
Vo 1793 bis 1815 het Spiegelbärg zu Frankriich ghört, derno zum Kanton Bärn, und ane 1979 isch d Gmeind zum nöi gründete Kanton Jura cho.
Wirtschaft
ändereBi Peuchappatte sind sid em Joor 2011 grossi Windreder uf em Hügel Le Point de Vue. Die Dürm, wo 108 Meter höch sind, ghöre zum Windpark Peuchapatte vom Energiikonzärn Alpiq.[5]
Bi Le Roselet isch s erschte Huus vo dr Stifdig für s Ross, wo dr Hans Schwarz ane 1959 für d Pfläg vo alte Ross ygrichtet het.[6]
Bilder
ändere-
s Dorf Muriaux
-
es grosses Buurehuus
-
Le Roselet
-
dr Felsgraat des Sommêtres
-
Peuchappatte und syni Windreder
Architektur
ändereInträssanti Bouwärch z Spiegelbärg sind:
- d Ruiine vo dr Burg Spiegelbärg
- di alte grosse Jura-Buurehüüser
- s alte Schuelhuus vo Muriaux
Weblink
ändere- d Website vo dr Gmeind Muriaux
- François Kohler: Muriaux In: Historisches Lexikon vo dr Schwiiz.
Fuessnoote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Spiegelberg uf swisscastels.ch
- ↑ Website vom Regionale Naturpark Doubs
- ↑ Muriaux rejoint finalement le projet de Parc régional du Doubs Artikel vom 24. Mai 2011 uf arcinfo.ch
- ↑ Windpark Le Peuchapatte uf alpiq.com
- ↑ Unsere Geschichte d Gschicht vo dr Stifdig für s Ross uf philippos.ch