Palestina
|
Dä Artikel behandlet d Regioon Palestina. Für die Palestinensische Autonomiigebiet lueg do. |
Palestina (altgriech. Παλαιστίνη; latiin. Palaestina; hebr. ארץ־ישראל Eretz Yisrael, aber au פלשתינה Palestina; arab. arabisch فلسطين, DMG Falasṭīn [falas'tˁiːn] oder Filasṭīn [filas'tˁiːn]) isch es Gebiet im Middleren Oschde zwüschem Jordanfluss und em Middelmeer.
Hützudag exischdiert in däm Gebiet s Land Israel, und es git Gebiet, wo eigentlich zu Jordanie ghöre, vo Israel aber miliärisch bsetzt sit siit 1967: s Weschtjordanland und dr Gazastreife; us dämm het sich die israelischi Armee im Johr 2005 wider zruggzoge.
Gschicht
ändereS Gebiet het si Name vo de Philischter, wo eis vo de Seevölker gsi sind, wo sich im 12. Johrhundert vor dr Ziitwändi im Gebiet vo Gaza und dr Stadt Askalon niidergloh hei.
Dr Name isch in dr moderne Ziit erscht 1922 widr uufcho, für zum s Britische Mandatsgebiet z bezeichne.
Gschichtlig isch d Regioon Palestina wichdig gsi as Verbindigsdäil zwüschen em südwestlige Arm vom fruchtbare Halbmond mit Egüpte und em nordöstlige mit Mesopotamie, und es isch vo de Mächt uf dene beide Syte immer wider aagriffe und erooberet worde.
Bi de Röömer isch im Gebiet e Zyt lang d Provniz Syria Palaestina gsii.
Nach em Erschte Wältchrieg isch Palästina under die britische Mandatsverwaltig cho. Wo d Ängländer nach em zweite Wältchrieg us Palästina wägg sind, hätt s United Nations Special Committee on Palestine dr Fride im Land selle hüete. Am 14. Mai 1948 isch dr Staat Israel gründet worde, und drno isch grad mit em Agriff vo den arabische Nochberstaate dr eerscht israelisch-arabisch Chrieg choo. 1964 isch d PLO gründet worde zum en palästinensische Staat ufzboue.
Liddratuur
ändere- Fabio Maniscalco: Protection, conservation and valorization of Palestinian Cultural Patrimony. monographic collection „Mediterraneum“, n. 5, Massa Publisher 2005.
- Christian Siebert: Saisonale chemische Variationen des See Genezareth, seiner Zuflüsse und deren Ursachen. 2006.
- Managing Water for Peace in the Middle East: Alternative Strategies.