Wikinews

Wikinews
URL	Nochricht:Dialäkt-Neuigkeite (Alemannischi Version); de.wikinews.org (Dytschi Version); wikinews.org (internationali Version);
Kommerziäll	Nei
Bschryybig	Wikiprojekt: freji Nochrichteplattform
Regischtrierig	optional
Sproche	Englisch, Polnisch, Dytsch, Italienisch, Franzesisch, ...
Eigetimer	Wikimedia Foundation
Urheber	„Wikinews-Community“
Erschine	15. Novämber 2004

D Wikinews sin e Wikimedia-Projäkt für di gmeinschaftligi Erstellig vo-n-re freie und neutrale Nochrichtequälle. S Projäkt ermögligt's jedem Internet-Nutzer, Nochrichte zu me breite Themechreis z veröffentlige. Dodezüe setzt's wie sini Schwösterprojäkt Wikipedia, Wiktionary, Wikibooks, Wikiquote, Wikispecies und Wikisource d Wiki-Software MediaWiki y.

S Projäkt wott d Idee vom Bürgerjournalist (au Graswurzel-Journalismus) verbreite. Au in Länder mit de Prässfreiheit schwäche Sparzwäng in Redaktione, Kungelei, Abflachig vo Inhalt under anderem wägem Blick uff Werbeynahme und Yschaltquote etc. herchömmlige, kritische Journalismus. Unabhängigi Journaliste und Laie, vo journalistisch dätig sin, chönne dezüe bytrage, Informatione bereitzstelle, wo nit de Zwäng vom Mainstream underworfe sin. Mänki Befürworter nämme a, dass d Wikinews vor allem in Länder mit weniger Prässfreiheit wie zum Bispyl z China, im Iran oder z Tunesie e wertvolli Berycherig zu de kommerziälle Präss darstelle wird, wo staatlig glänkt wird, wenn dört d Internetabieter de Züegang zu de Wikinews-Site nit sperre. Ob sich s Wikinews allerdings ähnlig erfolgrych entwickle cha wie d Wikipedia, isch no offe. Aktuäll wird s Projäkt nit als alternativs Nochrichtemedium wohrgnoh, wyl di meiste Artikel bi de Wikinews Agenturmäldige und Artikel vo etablierte Nochrichtemedie als Quälle verwände. Säll underscheidet d Wikinews zimlig vo de OhmyNews, wo z Südkorea vyl bewegt hän. Vo de OhmyNews git's au e internationali Usgab mit Azeige, wo drotz de Underschyd immer widder mit de Wikinews vergliche worre sin. Bsträbige, s OhmyNews-Modäll in andere Länder z etabliere, sin bisher fruchtlos verloffe.

Di gröschti freii Nochrichtequälle im Internet isch Indymedia. Im Underschyd zu de Wikinews isch dört e neutrale Standpunkt nit vorgschrybe.

Entwicklig

Nochdem s Projäkt vorgstellt worre isch und sich e chlari Mehrheit bi de Abstimmig defür usgsproche hät, isch vom Wikimedia-Vorstand (Board of Trustees) am 15. Novämber 2004 e Demo-Version gstartet worre. Wo sich di änglischi Version in zwei Wuche güet entwickelt hät, isch si am 2. Dezämber 2004 zur Beta-Version befördert worre. Am 3. Dezämber 2004 isch e dütschsprochigi Version usecho; vom Januar bis zum März 2005 sin di Nyderländischi, Französischi, Spanischi, Schwedischi, Bulgarischi, Polnischi, Rumänischi und Ukrainischi Usgab in de Reihefolg, wo si do gnännt worre sin, erschyne. Am 13. März 2005 hät di Änglischi Version d 1000-Artikel-Marke überschritte. Am 14. März 2006 isch di chinesischi Wikinews-Version veröffentligt worre. Sit em 24. Oktober 2006 chönne in de dütschsprochige Wikinews au anonymi Nutzer Informatione uss erschter Hand veröffentlige. Vorussetzig zu de Awändig vom "änglische Prinzip" sch di usfiehrligi Darlegig vo de Quälle uff de Diskussionssite.

S Projäkt hät gly noch sinem Start e großi internationali Medieuffmerksamkeit chriegt. Analytischi Kommentär sin in vyle Blogs veröffentligt worre, aber au in Biecher.

Im Momänt git's d Wikinews in 26 Sproche.

Im Summer 2007 isch vo de Alemannische Gmeinschaft dr Bschluss gfasst wore, alli Alemannische Projekt mit dr Alemannische Wikipedia z verschmelze (s Wiktionary, s Wikibooks un s Wikiquote). S Alemannisch Wikinews isch derno am 3. Septämber 2009 gründet wore as Nochricht:Dialäkt-Neuigkeite innerhalb vu dr Alemannische Wikipedia. Schwärpunkt vom alemannische Wikinews sin Nochrichte rund um di (alemannische) Dialäkt.

Weblink

Dä Artikel basiert uff ere fräie Übersetzig vum Artikel „Wikinews“ vu de dütsche Wikipedia. E Liste vu de Autore un Versione isch do z finde.