Corylus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Corylus | ||||||||||||||
 Corylus avellana | ||||||||||||||
| ||||||||||||||
As avellaneras[1][2] (cientificament, o chenero Corylus) son un chenero d'árbols de fuella caduca en a familia Betulaceae, anque cualques autors el deseparan en chunto con Carpinus y Ostrya en una altra familia, dita Corylaceae. O chenero conta con arredol de 10 especies descritas y distribuitas arredol en as latituz temperatas de l'hemisferio norte.
As fuellas suyas son simplas, de laderas aserratas doblement (ixo ye, que sobre cada "dient" se i forman altras mes chicononas). As flors naixen d'antes que no las fuellas, con distribución monoica (ixo ye, que un solo árbol en tiene d'os dos sexos) anque forman amentos deseparatos, cadagún con flors en exclusiva d'un d'os sexos. Os amentos masculins penchan 5 u 10 cm en as brancas, con una carateristica color blanca amarellisca, y os amentos femenins son muit chicoz, cuasi que ocultos en as chemas d'a branca, d'a on que ne demanarán as abellanas, y en amaneixen ta fora d'ixa estructura só que os estilos de color royisca u rusienca.
As avellanas son o fruito d'estes árbols, son nuculas d'entre 1 e 2,5 cm de lonchitut, y 1 u 2 cm de diametro. Como tamién pasa en os carpins (chenero Carpinus), a forma de l'involucro de bractias que acompanian l'avellana fan a diferencia que, posatas en comparanza, permite que se clasifiquen as especies d'este chenero.
As dos especies millor apreciatas en agricultura, en dintro d'este chenero, son l'avellanera d'Europa occidental (Corylus avellana) que pocas vegatas gosa pasar d'un port arbustivo gran, y l'avellanera turca (Corylus colurna) que en comparanza se gosa manifestar coma árbol de grans dimensions (se n'han puesto describir eixemplars que feban dica 35 metros d'altaria). As avellaneras bordes en o Pireneu fan parte d'a vechetación tipica en as marguins d'os campos, y tamién en os sotos d'os ríos, las menos de vegatas feitos creixer coma campet caultivato de forma intencional.
Ditos y mazadas
editar- «ye mas cerenyo que vara d'avellanera»[3]
Referencias
editar- ↑ (es) Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 163.ISBN 978-84-8094-058-0
- ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 20.
- ↑ (an) Chusé Antón Santamaría Loriente: ¿Plantamos fuerte? (y II), Fuellas 221-222, Consello d'a Fabla Aragonesa, 2014, ISSN 1132-8452, pp. 33-34.
Vinclos externos
editar
Wikispecies tiene un articlo sobre Corylus.
Se veigan as imáchens de Commons sobre Corylus.
