Estaus d'Alemanya

Os Estaus d'Alemanya son o conchunto d'os deciseis estaus ditos Länder (singular Land, país en alemán) u, de forma no oficial, Bundesländer (singular Bundesland, país federau) que federaus forman Alemania. Cada Land ye representau a ran federal en o Bundesrat, o Parlamento alemán.

Mapa d'os estaus d'Alemanya.

Os 16 Länder d'Alemanya son:

1. Baden-Wurtemberg (Baden-Württemberg).
2. Bavera (Bayern).
3. Berlín (ciudat-estau) (Berlin).
4. Brandemburgo (Brandenburg).
5. Bremen (ciudat-estau).
6. Hamburgo (ciudat-estau) (Hamburg).
7. Hesse (Hessen).
8. Mecklemburgo-Pomerania Occidental (Mecklenburg-Vorpommern).
9. Baixa Saxonia (Niedersachsen).
10. Renania d'o Norte-Westfalia (Nordrhein-Westfalen).
11. Renania-Palatinato (Rheinland-Pfalz).
12. Sarre (Saarland).
13. Saxonia (Sachsen).
14. Saxonia-Anhalt (Sachsen-Anhalt).
15. Schleswig-Holstein.
16. Turinchia (Thüringen).

D'istos 16 estaus u länder, tres son en realidat ciudaz-estau (Berlín, Hamburgo y Bremen) estando formaus los dos primeros por nomás que un solo municipio y lo tercero, Bremen, por dos, la propia ciudat de Bremen y Bremerhaven. En istos tres estaus, existen dos administracions deseparadas: d'una man ta l'estau y d'atra man ta lo municipio.

Os atros 13 estaus (clamaus Flächenländer y "estaus extensos") se dividen en mas livels administrativos. En cinco d'éls (Baden-Wurtemberg, Bavera, Hesse, Renania d'o Norte-Westfalia y Saxonia) bi ha regierungsbezirk u rechions administrativas. Y en toz os 13 estaus existen kreis u districtos (amás de Kreisfreie Städte u ciudaz no adscritas a garra districto).

• Datos: Q1221156
• Multimedia: States of Germany / Q1221156