Ripa (topografía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre los significaus topograficos y cheolochicos de ripa; ta atros usos leiga ripa (desambigación).

Una ripa ye un desnivel con muita pendient chunto a barrancos u ríos. Pueden tener una pendient amán de la verticalidat, como se veye en las faixas fluvials de la marguin dreita de la Cinca en Alcoleya de Cinca.

Ripa d'un barranco en las Bardenas Reyals.

Tamién se diz ripa a lo resultau d'una torrocata, un esliz u atros movimientos de ladera creyando un frent.

Ripas de la Cinca y l'Alcanadre

Las ripas que bi ha dende Chalamera dica Alcoleya de Cinca y dende Viliella de Cinca dica Vallobar sobre las marguins dreitas de las riberas de la Cinca y l'Alcanadre definen un espectacular paisache a causa d'un gran desnivel y d'una verticalidat espectacular, que contrasta con las formas suaus de las riberas y las topografía plana que bi ha dencima de las ripas. Dichós las ripas bi ha una espuenda formada por materials que cayen cuan s'esboldregan estas parez verticals.

Estas ripas se formoron por encaixamiento de lo ret fluvial de la Cinca y l'Alcanadre seguiu d'una migración lateral d'estos ríos, que cuan arribaban en la marguin dreita de la ribera esgarrapaban la cabaixo de las ripas como las ondas marinas en las penyas provocando que s'escachen los estratos d'archila y piedra d'arena, deixando dimpués una superficie de rotura vertical, y una espuenda de materials caitos que se levaban los ríos.

Actualment en las ripas se puet veyer una tendencia a la formación de columnas, torres u pinaclos a causa de l'augua que regalla dende lo cabalto.

Veyer tamién

• Bancal.
• Barranco.
• Faixa.
• Faixa fluvial.
• Cinglo.
• Espuenda.
• Marguin.
• Ribazo.
• Río.

Referencias

• Datos: Q13050012