Taxonomía
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A taxonomía (foneticament /taksonoˈmja/, ye un cultismo que dimana d'o griego τάξις, transliterau como táxis y pronunciau /'taksis/, «ordenamiento» y νομος, nomos, «regle») ye en un sentiu cheneral a ciencia d'a clasificación. Normalment, o termino se troba aplicau a la taxonomía biolochica, que ye especificament a clasificación cientifica d'os sers vivos, por o que ye una disciplina d'a biolochía sistematica.
Se basa en o sistema de taxons excluyents que s'ordena hierarquicament, de mas cheneral enta mas concreto, seguntes una escala de categorías taxonomicas homologas. Se diz que os taxons han de cumplir siempre con criterios de congruencia interna, y que han de caracterizar-se por caracters particulars y definitorios, por o que una d'as principals fayenas d'a taxonomía consiste precisament en debatir y definir ixes caracters biolochicos, que se veyen reflectaus en os Codigos de Nomenclatura.
