تعليق صوتى
التعليق الصوتى بالانجليزى: Voice-over هو أسلوب روائى بيستخدم الصوت و هو مش جزؤ من السرد أو القصه, وعاده بيستخدم فى فى الإذاعه و التلفزيون و الافلام و المسرح و التعليق على العروض.[1]
بتم قراءه التعليق الصوتى من خلال نص مكتوب مسبقا, و ممكن اللى بيقرا النص يكون فى أى مكان تانى غير مكان الحدث و ممكن التعليق الصوتى يكون بصوره مباشره على العروض الحيه المباشره زى مباره كوره قدم أو تقديم جوايز, بس الغالب تسجيل التعليق الصوتى مسبقا و عرضه مع الماده سواء كانت فيلم أو غيرو زى الأفلام الوثائقيه أو التقارير الإخباريه, كمان بيستخدم التعليق الصوتى فى ألعاب الفيديو و الإعلانات والمعلومات فى المناسبات والأماكن السياحيه.
أجهزه و أدوات مستخدمه فى التعليق الصوتى
[تعديل]للمحترفين التسجيل بيكون فى الاستوديوهات اللى بتوفر الامكانيات اللى بتستخدم فى التعليق الصوتى و اللى منها:
- المايكروفون: جهاز تسجيل من طراز معينبيكون قدام بق المعلق الصوتى أو مقدم البرنامج.
- الفلتر: بتكون بين الميكروفون و بق المعلق الصوتى و الهدف منها هو تخفيف الأصوات المزعجه و الهوا اللى ممكن يطلع مع صوت المعلق و خصوصا فى نطق حرف السين.
- حامل الورق: الستاند اللى بيتحط عليه الورق أو الكتاب اللى بينقرا منه.
- سماعات: بيستخدمها المعلقين الرياضيين عشان يسمعو أصوات تانيه زيالمشرفين على العمل فى الاستوديو.