Anthony Perkins
Anthony Perkins (4 d'abril de 1932, Nueva York – 12 de setiembre de 1992, Hollywood) foi un actor d'Estaos Xuníos que'l so trabayu más conocíu foi'l so papel como l'asesín en serie Norman Bates na película Psycho (Psycho) d'Alfred Hitchcock (1960).
.jpg)
Biografía
editar
Foi fíu del actor Osgood Perkins (James Ripley Osgood Perkins, 1891–1937) y Janet Esseltyn Rane. Los sos entamos nel cine fueron inmeyorables: la so primer película foi L'Actriz (The Actress; 1953), xunto a Spencer Tracy y Jean Simmons; y recibió una nominación al Óscar pol so papel na so segunda película Friendly Persuasion (1956), protagonizada por Gary Cooper.
Dempués, rodó con una nueva Sophia Loren Desire Under the Elms, con Silvana Mangano rodó This Angry Age (1958), so direición de René Clement, y con una debutante Jane Fonda trabayó en Tall Story
Dempués de participaciones aclamaes en Broadway, como Té y simpatía con Joan Fontaine, interpretó al protagonista Norman Bates na güei llexendaria película Psycho. Muncha xente cuntó que merecía'l Óscar por esti papel, pero nun foi nomáu. Dempués rodó Phaedra con Melina Mercouri, so direición de Jules Dassin.
Dempués de viaxar a Europa pa realizar el papel de Joseph K. na aclamada adautación de la obra de Franz Kafka The Trial, dirixida por Orson Welles, Perkins tornó a Estaos Xuníos pa tomar el papel d'un mozu asesín en Pretty Poison, que afectó al restu de la so carrera, que na década de 1970 entró en cayente.
Protagonizó nos años 1980 les remortines y la precuela de Psycho: Psycho II, Psycho III (qu'él dirixó) y Psycho IV: L'Entamu. A pesar del ésitu, la mayoría de los sos trabayos posteriores fueron en películes pa TV. Perkins tamién co-escribió'l guión pa la película The Last of Sheila (1973) xunto col compositor Stephen Sondheim.
En 1991 recibió'l Premiu Donostia a la so carrera, dau pol Festival de Cine de San Sebastián. Neses feches rodara la película española Los viérbenes nun lleven bufanda, comedia dirixida por Javier Elorrieta.
La vida de Perkins foi meticulosamente documentada na biografía Anthony Perkins: Split Image por Charles Winecoff (Alyson Books, 2006).
Vida privada
editarPerkins foi bisexual. Tuvo numberosos novialgos con homes, incluyendo a les estrelles de los años 1950 y 1960 Rock Hudson y Tab Hunter, el baillarín Rudolf Nureyev y el coreógrafu Grover Dale, col que Perkins tuvo una rellación de seis años enantes de casase en 1973 con una muyer: Berry Berenson (hermana de l'actriz Marisa Berenson), con quien tuvo dos fíos. Yá nel so maduror afirmó que fuera puramente homosexual hasta finales de los trenta años, cuando conoció a l'actriz Victoria Principal y tuvo un idiliu con ella en 1972.[5] Perkins morrió en 1992 por una neumonía que se-y complicó por tener sida a la edá de 60 años.
El so fíu Osgood Perkins, más conocíu como Oz Perkins, ye tamién actor; y el so otru fíu, Elvis Perkins ye un cantautor. Un día enantes del novenu aniversariu de la so muerte, la so viuda Berry Berenson finó mientres los atentaos del 11 de setiembre como pasaxera del vuelu 11 d'American Airlines.
Cita
editar«Aprendí más alrodiu d'amor, altruísmu y entendimientu humanu de la xente que conocí nesta gran aventura del mundu del sida que lo qu'aprendí nel desgraciáu y competitivu mundu nel que desperdicié la mio vida.»
Filmografía
editar- In the Deep Woods (1992)
- The Naked Target (1992)
- Los viérbenes nun lleven bufanda (1991)
- The Man Next Door (1991)
- Psycho IV: The Beginning (1990)
- Ghost Writer (1990)
- I'm Dangerous Tonight (1990)
- Daughter of Darkness (1990)
- Chillers (1990)
- Edge of Sanity (1989)
- Destroyer (1988)
- Napoleon and Josephine: A Love Story (1987)
- Psycho III (1986)
- Crimes of Passion (1984)
- The Glory Boys (1984)
- Psycho II (1983)
- The Sins of Dorian Gray (1983)
- For the Term of His Natural Life (1982)
- North Sea Hijack, a.k.a. Ffolkes (1980)
- Double Negative (1980)
- The Black Hole (1979)
- Twice a Woman (1979)
- Winter Kills (1979)
- Les Misérables (1978)
- First, You Cry (1978)
- Remember My Name (1978)
- Mahogany (1975)
- Murder on the Orient Express (1974)
- Lovin' Molly (1974)
- The Life and Times of Judge Roy Bean (1972)
- Play It As It Lays (1972)
- Someone Behind the Door (1971)
- Ten Days Wonder (1971)
- How Awful About Allan (1970)
- WUSA (1970)
- Catch-22 (1970)
- Pretty Poison (1968)
- The Champagne Murders (1967)
- Evening Primrose (1966)
- Is Paris Burning? (1966)
- The Fool Killer (1965)
- Agent 38-24-36 (1964)
- The Sword and the Balance (1963)
- The Trial (El Procesu) (1962)
- Five Miles to Midnight (1962)
- Phaedra (1962)
- Goodbye Again (1961)
- Psycho (1960)
- Tall Story (1960)
- On the Beach (1959)
- Green Mansions (1959)
- The Matchmaker (1958)
- This Angry Age (Dicir sul Pacifico, 1958)
- Desire Under the Elms (1958)
- The Tin Star (1957)
- The Lonely Man (1957)
- Fear Strikes Out (1957)
- Friendly Persuasion (1956)
- The Actress (1953)
Premios
editar| Añu | Categoría | Película | Resultáu |
|---|---|---|---|
| 1956 | Meyor Actor de Repartu | La gran prueba | Candidatu |
Referencies
editar- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ 3,0 3,1 3,2 URL de la referencia: https://www.latimes.com/archives/la-xpm-1992-09-13-mn-1407-story.html. Editorial: Los Angeles Times. Data d'espublización: 13 setiembre 1992. Data de consulta: 16 ochobre 2022.
- ↑ URL de la referencia: http://www.theatreworldawards.org/past-recipients.html.
- ↑ Tina Gianoulis. «Perkins, Anthony (1932-1992)». GLBTQ Encyclopedia. Consultáu'l 18 de xunu de 2007.
Enllaces esternos
editar
Wikimedia Commons acueye conteníu multimedia sobre Anthony Perkins.- The Psycho Movies Web Site
- Anthony Perkins na Internet Movie Database (n'inglés)
- Anthony Perkins en Aloha Criticón (n'español)
- Páxina de Anthony Perkins (enllaz rotu disponible n'Internet Archive; ver l'historial y la última versión)., en El Poder de la Pallabra
Datos: Q193146- Multimedia: Anthony Perkins