Bloque por Asturies

Bloque por Asturies ye un partíu políticu asturianu d'ideoloxía nacionalista asturiana d'izquierdes anguaño na federación Compromisu por Asturies. Foi fundáu de cara a les eleiciones autonómiques de 2003, nes que se presentó en coalición con Izquierda Xunida p'acabar formando parte del gobiernu xunto al PSOE. Nes eleiciones autonómiques de 2007, volvió a presentase en coalición con Izquierda Xunida y tamién con Los Verdes d'Asturies, obteniendo la coalición 58.114 votos (9,7%) y 4 diputaos (BA nun obtuvo representantes al tar el so primer candidatu nel puestu 7 de la llista). Nes eleiciones del 22 de mayu del 2011, Bloque por Asturies presentóse en coalición con Unidá Nacionalista Asturiana y consiguió 6.191 votos, un 1,06% del total.

Bloque por Asturies
Acrónimu	BA
Secretaría xeneral	Roberto Colunga Fernández
Fundación	2003
Sede	Xixón
Estáu	España
Ideoloxía política	nacionalismu asturianu
Páxina web	bloque.as

Cargos

Formó parte del Conceyu Abiertu pola Oficialidá. El so secretariu xeneral ye Roberto Colunga y el so voceru Manuel Benayas. Esti sustituyó nel cargu a Rafael Palacios viniente d'INA, que tuvo'l cargu de direutor de l'Axencia Asturiana de Cooperación al Desarrollu d'Asturies na llexislatura 2003-2007. Ente 2003 y 2007 formó con IU parte del Gobiernu Asturianu del PSOE , y yá nel 2008 reeditóse esi gobiernu de coalición.

Depués de que Francisco Javier García Valledor decidiera abandonar el so escañu na Xunta Xeneral, el secretariu xeneral del Bloque por Asturies, Roberto Colunga, foi l'encargáu d'ocupar el puestu de diputáu, convirtiéndose nel primer representante del asturianismu d'izquierdes nel Parllamentu. D'esta manera, el Grupu Parllamentariu d'IU-BA-Verdes, quedaba formáu por Jesús Iglesias (IU), Diana Camafeita (IU), Emilia Vázquez (IU) y Roberto Colunga (BA).

Nes eleiciones autonómiques del 2011, Rafael Palacios foi'l cabeza de llista pola circunscripción central y candidatu a la presidencia d'Asturies.

Salida del Gobiernu

En xunetu del 2010, el Bloque por Asturies solicitó constituyise como Grupu Mestu na Xunta Xeneral. La decisión sumábase al anunciu de salir del Gobiernu del Principáu depués el desencuentru colos otros partíos de la coalición IU y Los Verdes en rellación a la Llei d'Axuste, aprobada colos votos del PSOE y los tres diputaos d'IU.

Coalición Bloque-UNA

Depués de meses de negociaciones, el 12 de xineru del 2011, nun actu celebráu nel Hotel Principado d'Uviéu, presentóse la coalición formada por Bloque por Asturies y Unidá Nacionalista Asturiana, baxu'l lema de Compromisu por Asturies. Nes eleiciones del 22 de mayu del 2011, la coalición consguió 6.191 votos, un 1,06% del total. Los resultaos son los meyores d'un partíu asturianista d'izquierdes hasta la fecha, pero nun foron abondo pa que Bloque-UNA tuviera representación na Xunta Xeneral.

Predecesor: Izquierda Nacionaliega d'Asturies (INA)

Partíu políticu Bloque por Asturies 2003-

Socesor: Compromisu por Asturies

Enllaces esternos

• Páxina oficial del BA Archiváu 2007-02-02 en Wayback Machine

• Datos: Q885425