Gambrinus
Gambrinus ye un rei llexendariu del pueblu de Fresnes, Flandes, Bélxica y el patrón non oficial de la cerveza.
| Gambrinus | ||
|---|---|---|
 | ||
| Información | ||
| Sexu | masculín | |
| Nacimientu | valor desconocíu, fecha desconocida | |
| Fallecimientu | fecha desconocida | |
| Ocupación | cerveceru, aristócrata y carilloneru | |
| Residencia | Fresnes-sur-Escaut | |
| [editar datos en Wikidata] | ||
Aniciu
editarEn cualesquier casu, ye alrodiu'l sieglu XII cuando apruz la lleenda de "Gambrinus",[1] nome qu'atribúin al nomatu de "Xuan Primus" (Xuan I de Flandes de la Casa de Constantinopla), primer conde de la dinastía d'Henao casáu con Adelaida I rexente flamenca d'Holanda, que gobernó Flandes de 1246 hasta 1257.
Al paecer, la lleenda tevo un calter heredatible popular que la llevó nel tiempu a otru de los condes de Flandes (1384 - 1404), por ello considérase que'l personax ta basáu en Xuan Ensin Miéu (Xuan I de Borgoña) (1371–1419), del que se creye que foi l'inventor de la cerveza de malta.
Ún de los coperos de Carlomagnu tamién se llamaba Gambrinus.
La mención posiblemente más antigua del nome foi nel añu 1543, cuando'l poeta alemán Burkart Waldis, desplicaba que Gambrinus deprendió l'arte d'ellaborar cerveza de la diosa exipciana Isis.
Tamién hai fontes que falen de la lleenda de Gambrinus dataes nel sieglu XIII nel mentáu pueblu: Fresnes.
Según cunta la lleenda: Gambrinus yera un mozu pinche de vidreru que namoró d'una fermosa rapaza, Flandrine, que lu refugó.
El nuesu mozu nun soportaba'l refugu y aquexadumáu decidió quitase la vida. Pa ello empobinóse a una viesca cercana pero de la que taba a piques de facelo aprucióse-y el mesmu diañu pa propone-y un pautu a cambéu de la so alma:
"El diañu otorgaría a Gambrinus un don que-y fadría ganar l'amor de Frandine y de nun ser asina deprendería-y cómo poder escaecer esi pesar".
Al paecer, aquel don demoniacu convirtió a Gambrinus nun magníficu baillador y músicu, pero... inda asina l'amor de Frandine nun allegó.
Asina, el diañu pa cumplir el pautu tevo que deprender a Gambrinus un arte que consiguiría facer escaecer el so duelgu, aquel maraviosu arte resultó ser un xeitu de fabricar un estrañu beberaxu amargorosu con orgu, lleldu y llúpulu.
Deprendió-y pues, a fabricar cerveza y mientres fabricaba y bebía d'aquella sustancia esplumosa descubrió que yá nun remembraba a Fandrine nin tampoco'l so duelgu.
La cerveza, pues, fixo escaecer a Gambrinus el so mal d'amores pa siempres y convirtiólu al empar nel rei de la cerveza.
Delles destacaes cerveceres que lleven el nome de Gambrinus o usen la so imaxe, son:
- Gambrinus Brewery, de Plzeň, República Checa.
- Gambrinus, de Mulhouse, Alsacia, Francia
- The Gambrinus Company , en San Antonio, EE.XX.
- Gambrinus Brewing Co., d'Oshkosh, Wisconsin, EE.XX.
- The Gambrinus Brewing Company, de Columbus, EE.XX.
- La empresa cervecera Cruzcampo, propiedá de Heineken Co., usa la imaxe de Gambrinus como emblema de los sos productos de magar 1926.[3]
Na ciudá gallega d'A Coruña tien dedicada la rúa Gambrinus, na que s'alluga la factoría cervecera Hermanos Rivera, qu'ente otres marques ellabora la cerveza Estrella de Galicia.
Referencies
editar- ↑ http://www.vorem.com Archiváu 2013-12-03 en Wayback Machine La cultura de la "caña" (VII)
- ↑ Cruzcampo.es#Seición Conoznos Archiváu 2007-10-05 en Wayback Machine Quién ye Gambrinus
- ↑ Cruzcampo.es#Seición Conoznos Archiváu 2007-10-05 en Wayback Machine Quién ye Gambrinus (2)
Datos: Q772978
Multimedia: Gambrinus (person)