Mariano Rumor
Mariano Rumor (16 de xunu de 1915, Vicenza – 22 de xineru de 1990, Vicenza) políticu italianu conservador, miembru del partíu demócrata cristianu, delles vegaes Primer Ministru d'Italia.
Biografía
editarEn 1946 foi electu diputáu a l'Asamblea Constituyente. Volviéndose líder del so partíu nel so Vicenza natal y nel Vénetu onde'l partíu demócrata cristianu concentraba la mayoría de los católicos.
Diputáu en toles llexislatures hasta 1976, integró'l gobiernu d'Alcide De Gasperi (1951-1953) como subsecretariu d'Agricultura, cargu nel que se caltuvo mientres el gobiernu de Giuseppe Pella. Nel primer gobiernu d'Amintore Fanfani foi subsecretariu a la Presidencia del Conseyu de Ministros. Coles mesmes, ocupóse tamién del so partíu, integrando'l grupu de los "nuevos lleones" que lideraos por Fanfani, sustituyeron a la xeneración de los ex populares na direición del partíu.
Ye electu secretariu del partíu demócrata cristianu en 1964, cargu nel que se caltién hasta 1968. Empecipiando asina la fase de la hexemonía de los Dorotei, la corriente qu'él mesmu fundó en 1959, cuando s'alloñó de Fanfani.
En 1968 asume la Presidencia del Conseyu de Ministros, siendo mandatariu de tres gobiernos de centru-esquierda hasta 1971. Integró'l gobiernu en 1972 en primer llugar como Ministru del Interior del gobiernu de Andreotti (1972-1973), depués como Presidente del Conseyu (1973-1974), tamién al mandu d'un gobiernu de centru esquierda. Ministru d'Asuntos Esteriores nos últimos dos gobiernos d'Aldo Moro (1974-1976), ye arreyáu nel escándalu Lockheed, del cual ye absueltu.
Foi miembru del Parllamentu Européu (1979-1984), Senador les llexislatures VII (1979-1983), IX (1983-1987) y X (1987-1992). Como Senador Italianu, foi'l Representante del Gobiernu Italianu nos Funerales del Ex Presidente Chilenu, Eduardo Frei Montalva, del cual foi unu de los sos amigos.
Cargos. Predecesores y socesores
editar
| Predecesor: Giovanni Leone |
 Primer Ministru d'Italia 1968 - 1970 |
Socesor: Emilio Colombo |
| Predecesor: Aldo Moro |
Primer Ministru d'Italia 1973 - 1974 |
Socesor: Aldo Moro |
Atentáu
editarFoi atacáu mientres ocupaba'l cargu de Ministru del Interior, en 1973 pol anarquista Gianfranco Bertolli. Cuatro persones morrieron mientres l'ataque y cuarenta y cinco resultaron mancaes, al tantu que Rumor salió ilesu. Bertolli yera en realidá un terrorista fascista infiltrado dientro del anarquismu italiano y un informante del SISMI, l'axencia d'intelixencia militar italiana, y el so asesinatu foi ordenáu dende'l poder por averar se al Partíu Comunista Italianu pa formar la mayoría parllamentaria necesaria pal gobiernu; y asina, romper el llamáu Compromisu históricu pa espulsar a la izquierda del gobiernu acusándola de ser la responsable, especialmente les Brigaes Rojas. D'alcuerdu a la xusticia italiana, el Xeneral Gianadelio Maletti taba en conocencia del ataque diba realizáse-y a Rumor, pero fracasó en da-y avisu.
Wikimedia Commons acueye conteníu multimedia sobre Mariano Rumor.
Referencies
editar- ↑ 1,0 1,1 1,2 Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar- Wikimedia Commons acueye conteníu multimedia sobre Mariano Rumor.
- «Mariano Rumor». en Find a Grave. (n'inglés)
Datos: Q316288- Multimedia: Mariano Rumor