Puertu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El puertu ye, por estensión, aquel espaciu destinao y empobinao especialmente al fluxu de mercancíes, persones, información o a dar abrigu y seguridá a aquelles embarcaciones o naves encargaes de llevar a cabu diches xeres. Dientro de los puertos marítimos pueden estremase aquellos empobinaos a la carga y descarga de contenedores; de mercancíes de distintu tipu, especialmente los pesqueros; al depósitu d'embarcaciones de recréu (puertos deportivos) o otros. Los puertos, coles mesmes, pueden clasificase dientro d'otres categoríes, como según l'usu civil o militar, el caláu del que dispongan: puertos d'agües fondes, superior a los 45 pies (13,72 m), etc.
| Puertu | |
|---|---|
tipo de estructura (es)  | |
 | |
 |
Clasificación zonal del puertu
editarDende'l puntu de vista funcional, les obres y les instalaciones d'un puertu pueden clasificase pol so allugamientu. Asina, estrémense cuatro zones distintos:
- La <o>zona marítima</o> destinada al barcu, y na que se disponen les obres d'abrigu que protexen la zona d'atraques del aguaxe esterior, constituyíes fundamentalmente polos diques; les obres d'accesu que faciliten l'accesu del barcu al puertu en condiciones de seguridá, garantizando la so maniobrabilidad, anchor y caláu fayadizos. Ente elles tán la señalización (radar, faros, balices, radiofaros, boyes, etcétera), los diques d'enriamientu, canales dragaos, escluses; los espacios de fondio (radas) cola función de caltener el barcu n'agües seles, ensin apexar el tráficu, a la espera de la so vez d'atraque nos muelles; y les dársenes que constitúin la superficie d'agües abrigaes aptes pa la permanencia y operación de los barcos (de marea o de flotación, según tean o non sometíes a l'acción de les marees).
- La <o>zona terrestre</o>, destinada fundamentalmente a la mercancía, inclúi la superficie d'operación terrestre constituyida polos muelles, qu'amás de facilitar l'atraque y amarre de los barcos, sirven de soporte al utillaje y d'atroxu provisional de mercancíes; y los depósitos qu'amás d'afaer un espaciu a les mercancíes, sirven de regulación de los fluxos marítimu-terrestres.
- La <o>zona d'evacuación</o>, destinada al tresporte terrestre, na que se debe estremar les víes d'accesu al puertu dende la rede de carreteres xeneral, les de circunvalación o repartida y les de penetración a la parte d'operación terrestre, coles sos árees de maniobra y estacionamiento.
- Dacuando puede allugase nos puertos una <o>zona d'asentamientu d'industries básiques</o>: siderurxes, estelleros, petroquímiques, refineríes, etc. En dellos casos foi necesariu crear puertos puramente pal so serviciu, como'l casu del puertu esterior de Huelva, empobináu a la industria petroquímica.
Servicios emprestaos
editarEl conxuntu de servicios qu'empresta un puertu pueden clasificase en función del ámbitu al que van destinaos.
- Servicios al barcu Ente los
servicios al barcu inclúyense: la conseña, el practicaje, el remolque, el avituallamiento, la carga de combustible (n'inglés, bunkering), la descarga de "sloop" (residuos de la llavadura de tanques), la recoyida de basures, los arreglos y caltenimientu, etc.
- Servicios a la mercancía
Pa los servicios a la mercancía inclúyense: la conseña, la estiba, l'aduana, la sanidá, la vixilancia, los servicios comerciales de los transitarios, consignatarios y otros axentes.
- Servicios al tresporte terrestre
Los servicios al tresporte terrestre son los de representación, actividaes de transbordo y manipulación de mercancíes.
- Otros servicios
Pa terminar, l'apartáu de servicios varios, ente los que s'atopen los seguros, los bancarios, los mercantiles, los de comunicación, etc.
Tipos especiales de puertu
editar
Los puertos deportivos son aquellos especialmente dirixíos a abrigar mientres estancies más o menos enllargaes o sirvir de base a les embarcaciones de recréu, que pol so usu irregular tienen de pasar estancies enllargaes en zona d'amarre o en dique secu. Poles necesidaes a cubrir d'estos puertos, suelen presentar carauterístiques estremaes al respective de los puertos mercantes o tradicionales como zona de varaderu, dique secu, atarazanas o la esistencia de restoranes, tiendes y otros servicios enfocaos a una vecería de ciertu poder adquisitivo.
Los puertos o partes de los puertos que s'encarguen especialmente de la construcción o arreglu de buques son los estelleros con instalaciones particulares d'esti tipu. Suelen ser representativos de los estelleros la esistencia de grandes grúes, diques secos o diverses zones de botadura pa buques de distintu tamañu.
Aquellos encargaos del manexu de mercancíes perecederes y especialmente los destinaos a la descarga del pexe, los puertos pesqueros, contienen nes sos instalaciones edificios empobinaos a la compraventa d'estes mercancíes, les rules. Estos puertos, al ser llugar d'orixe pa la entrada nel mercáu d'estos productos tienen de dotase de la infraestructura loxístico y mercantil pa distribuyilos a les zones de consumu.
Museos
editarEnte museos portuarios y museos navales esiste una amplia representación internacional d'esti tipu de museos, llamando l'atención museos navales en llugares alloñaos del mar como'l muséu Naval de Madrid o otros que pola so tradición secular merecen mención como les Atarazanas Reales de Barcelona o'l Muséu Marítimu Nacional de Greenwich.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Puertu.- ¿Qué ye un puertu?
- Mundu Portuariu - Noticies sobre puertos nel mundu
- Puertos-dientro-de-la cadena-logistica-Parte-1 Los puertos dientro de la cadena loxística, Parte 1, Puertos-dientro-de-la cadena-logistica-Parte-2 Parte 2, Puertos-dientro-de-la cadena-logistica-Parte-3 Parte 3.
- Guía de puertos, principalmente de recréu, del Mundu
Datos: Q44782- Multimedia: Ports and harbours
Cites famoses: Puerto