Teoría del conocimientu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Teoría del conocimientu fala no tocante a la sensación del conceptu abstractu.
| Teoría del conocimientu | |
|---|---|
rama de la filosofía (es)  | |
| filosofía | |
 | |
 |
Sensación y perceición: ¿En qué consiste pescanciar?
editarL'home arréyase col mediu d'una manera allegada al tresuel d'órganos sensibles. Per estos sentíos captamos la realidá en forma de sensación: colores, menes, arumes, etc... Pescanciar ye un procesu bipolar, nun ye pasivu, au intervienen suxetu y oxetu. El suxetu ye delixente na configuración del oxetu hasta tal puntu que pescanciar arímanos a recoyer información del mediu y actuar sobre elli.
Los animales capten l'entornu pa poder sobrevivir, los homes al ser más febles, precisamos más medios que nengún otru pa inspeicionar l'entornu, afoninalu n'alcordanza y utilizalu dempués. L'home non sólo capta una información sinón que la calletra ya-y da'l so significáu. Toos, homes o animales, tamos dotaos de muérganos sensoriales o receptores (los cinco sentíos) que mos permiten un afalu que pue ser, por exemplu, un fexe de lluz, y que contribúi a captar una sensación siendo ésta'l color que vemos, el soníu qu'oyemos, etc... El procesu que mos permite captar una sensación tien tres fases:
1)Fase física: Consiste nel aguixamientu de les frebes ñervioses por parte d'un afalu.
2)Fase fisiolóxica: Consiste en que'l sistema ñerviosu central recueye la información que remane de los distintos sentíos.
3)Fase psíquica: Consiste na captación de la cualidá correspondiente, la captación de la sensación. P'atalantar esti procesu hai que saber tres conceptos:
- Afalu: Ye la brenga qu'aguixa los órganos sensoriales.
- Sensación: Ye la captación d'una cualidá como retruque a un afalu.
- Pescanciu: Ye la xunión de toles sensaciones dotaes de sentíu configurando un oxetu, allugamientu, etc... La mena más fácil de pescanciu ye la suma o mosaicu de sensaciones.
¿Cómo pescanciamos?
editarEl ser humanu y los animales tenemos los cinco sentíos que mos permiten captar variaciones na sensación. El nuesu tautu, por exemplu, pue captar la presión, les xamueques, el duelgu, etc... Estos puen ser de dos menes: Cinestésicos o Cenestésicos.
Nun pescancien el mundu d'igual xeitu nin cola mesma intensidá los animales y l'home, de fechu, l'home utiliza pal so afoguín la cabida sensorial de los animales. Nos adiestramientos de perros utilícense elementos que sólp los animales son capaces de pescanciar como por exemplu'l xiblatu.
Magar que caún tien una cabida sensorial distinta esiste un mínimu que podemos pescanciar, una entradera, a la mínima cantidá d'afalu precisu pa que se produza una sensación nomada entraderal mínima o absoluto. Esta entradera mínima varía según les persones, según los moos y los afoguinos, etc... Ca sensación que tenemos parte d'un afalu básicu al qu'engadir nueves cantidaes d'afalu pa qu'apreciemos una sensación diferente. Llámase entradera diferencial a la cantidá d'afalu qu'hai qu'engadir o restar al afalu anicial pa que se produza una variación de la sensación.
Errores nel pescanciu
editarLa conocencia perceptivo nun ye en mou dalu fiable. Hai dos errores catalogaos:
- Enganíes: Son los pescancios falsos o non sinceros a les carauterístiques del afalu o les llendes de los órganos sensoriales.
- Allucinaciones: Deseméyense de les engadíes en que nun precisen un afalu anicial que les desencadene, son pescancios ensin oxetu. Puen ser producíes por amalecimientos mentales como la paranoia, el delirium tremens o la esquizofrenia.
Referencies
editarEnllaces esternos
editar
Wikimedia Commons tien conteníu multimedia tocante a Teoría del conocimientu.
Datos: Q116930361