Condottiere
Los condottieri ( en singular condottiere) yeren capitanes de tropes mercenaries al serviciu de les ciudaes-estáu italianes dende finales de la Edá Media hasta mediaos del sieglu XVI. La palabra condottiere vien de condotta, que designaba'l contratu ente'l capitán de los mercenarios y el gobiernu que se valía de los sos servicios.
Los condottieri consideraben la guerra como un arte. Buscaben riqueza, fama y tierres pa sí, y nun taben lligaos por llazos patrióticos a la causa que defendíen. Yeren famosos pola falta d'escrúpulos, y podíen cambiar de bandu , hasta en mediu de la batalla si alcontraben quien -yos pagare más.
Los primeros condottieri fueron mercenarios estranxeros, principalmente alemenes, pero nel sieglu XV yeren casi toos italianos. Esti sieglu ta consideráu como la so edá d'oro, con figures como Gattamelata o Bartolomeo Colleoni. sicasí, a principios del sieglu XVI nun fueron quien a facer frente, coles sos táctiques , anticuaes, a los exércitos modernos qu'invadieron Italia. Los condottieri acabaron desapaeciendo hacia 1550.
Condottieri famosos
- Ruggiero da Flor (c. 1268-1305) ;
- Malatesta da Verucchio (1212-1312) ;
- Castruccio Castracani ;
- Walter de Brienne ;
- Cangrande della Scala (1291-1329) ;
- Guidoriccio da Fogliano, muertu en 1352, capitán del exércitu de Siena. La so victoria sobre Montemassi, en 1328,ta representadua nun frescu de Simone Martini nel Palazzo Pubblico de Siena ;
- Luchino dal Verme (c. 1320-1372) ;
- "Sir" John Hawkwood (Giovanni Acuto, c. 1320-1394) ;
- Giovanni Ordelaffi (1355-1399) ;
- Othon IV de Brunswick-Grubenhagen, muertu en 1399 ;
- Facino Cane de Casale (c. 1360-1412) ;
- Andrea Fortebracci, conocíu como Braccio da Montone (1368-1384) ;
- Alberico da Barbiano (1344-1409), organizó la Compañía de San Xurde pa lluchar contra los franceses ; Donatello llevantó-y una estatua ecuestre en Padua ;
- Jacopo dal Verme (1350-1409) ;
- Muzio Attendolo, conocíu como Sforza (1369-1424) ;
- Giovanni Vitelleschi (muertu en 1440) ;
- Erasmo da Narni, conocíu como Gattamelata (1370-1443) ;
- Niccolò Piccinino (1380-1444) ;
- Francesco Bussone da Carmagnola (1390-1432) ;
- Micheletto Attendolo ;
- Scaramuccia da Forlì (muertu en 1450) ;
- Francesco Sforza (1401-1466) ;
- Sigismondo Malatesta (1417-1468) ;
- Bartolomeo Colleoni (1400-1475) ;
- Federico II da Montefeltro (1422-1482) ;
- Andrea Doria (1466-1560) ;
- Cesare Borgia (1475-1507) ;
- Niccolò di Pitigliano (mort en 1510) ;
- Bartolomeo d'Alviano (1455-1515) ;
- Gian Giacomo Trivulzio (c. 1441-1518) ;
- Giovanni dalle Bande Nere (1498-1526) ;
- Ferrante Gonzaga (1507-1557) ;
- Albrecht de Wallenstein (1583 - 1634) ;