Editando Moral (seición)

=== Moral oxetiva ===

Al conxuntu de normes morales llámase-y ''moralidá oxetiva'', porque estes normes esisten como [[fechu social|fechos sociales]] independientemente de qu'un suxetu quiera acatales o non. Los actos morales provienen del convencimiento de que l'actuar d'un individuu siempres se realiza por ciertos fines y que tol que fai daqué, tien de facer con un fin, nun siendo que nun controle la so razón, como asocede en variaes situaciones. Sicasí, les realidaes [[Socioloxía|sociolóxiques]] suxeren que les persones suelen actuar por inercia, costume, tradición irrazonada o la llamada «mentalidá de masa».

Opuestu a esta postura d'auto-justificación ta l'aceptación, per parte del individuu, de la so responsabilidá. Usando los [[valores morales]] puede convertise nel artífiz del so propiu destín o d'un meyor destín.

A lo llargo de la historia, y de les distintes cultures, esistieron distintes visiones de la moral. Xeneralmente, la moral ye aplicada a campos nos cualos les opciones realizaes por individuos espresen una intención relativa a otros individuos; inclusive non miembros de la sociedá. Poro, esiste una disputa académica sobre si la moral puede esistir solamente na presencia d'una sociedá o tamién nun individuu hipotéticu ensin rellación con otros. La moralidá mídese tamién cuando la persona ta sola, nun siendo reparada por naide, por casu, en situaciones onde se riquir tener muncha integridá.