Editando New Orleans Pelicans (seición)

==== 2011-presente: Yera reconstrucción-Anthony Davis ====
Tres el ''lockout'' de 2011 y col atayáu fichaxe de [[Chris Paul]] a [[Los Angeles Lakers]], n'avientu d'esi mesmu añu, Chris Paul yera trespasáu a [[Los Angeles Clippers]] en cuenta d'[[Eric Gordon]], [[Chris Kaman]] y [[Al-Farouq Aminu]], amás d'una primer ronda de draft. Cola marcha de Paul, los Hornets empecipiaben una nueva era que s'antoxaba de reconstrucción a mediu llargu plazu. 

La temporada 2011-12 foi abondo mediocre pa los Hornets, anque yá s'albidraba que sería asina. Remataron con un global de 21-45, postreros de la Conferencia Oeste.

N'abril de 2012, confirmóse que [[Tom Benson]], propietariu de los [[New Orleans Saints]] (equipu de [[fútbol americanu]]), adquirió la franquicia por 338 millones de [[dólares]].

Gracies a la so mediocre temporada, los Hornets adquirieron al prometedor [[Anthony Davis (baloncestista)|Anthony Davis]] na primer ronda de draft. Tamién ficharon a [[Ryan Anderson]] de los [[Orlando Magic]] en cuenta de [[Gustavo Ayon]]. Coles mesmes, esperaben un bon futuru con prometedores xugadores como'l mesmu Davis, [[Eric Gordon]] o'l venezolanu [[Greivis Vasquez]].

En xineru de 2013 fíxose oficial el nuevu escudu y equipación col nome remocicáu de ''New Orleans Pelicans'' pa la temporada 2013-14, una y bones el [[pelícanu]] ye l'animal más representativu del estáu de [[Louisiana]]. Esperábase una bona temporada colos fichaxes de [[Jrue Holiday]], proveniente de [[Philadelphia 76ers]], y [[Tyreke Evans]], proveniente de [[Sacramento Kings]], conformando un prometedor quintetu (Holiday, Gordon, Evans, Anderson, Davis), pero les mancadures de Holiday, Anderson, Gordon y otros xugadores importantes, nun lu dexaron a los Pelicans llegar a la post-temporada.