Harper Lee

Harper Lee

1928-2016

Englavaf amerikaf suterotik

Harper Lee ( Nelle Harper Lee ) tiyir tan amerikaf suterotik ke XX-eafa decemda. Blirizva Ba 27/06/1928 koe Monroeville koe Alabama galdolk koe Tanarasokeem koblir. Ba 19/02/2016 koe mila widava di awalker. Radimi vayarugal dene olda ke Monroeville, va kotla ke Huntingdon denfir aze va rokopa vayar. Banlize koe konaka kotlafa fela toz suter. Bak 1950 va New York koirubar. Fure va suteroteba djukubokar, bristunon gan Truman Capote nik. Beendos me zo gonaytar berpot, sanegayan bak 1960, tir davafa kiewatca nume gu Pulitzer poradro bak 1961 zo gabler. To alutara mu malyera tir ise zo piskur ugale kagrupera va wideytaf rokeem ke afrikamerikikeem, don tulon tunera va bifafa solkatcara koe tavexo va yona tizafa kategirevafa exaksara nekir. Berpot wetce elpat bak 1962 zo zaler. Lee Harper va berpot azon ten sanegar. Soe abic teliz isu vayarundeks dem inaf sugdaks zo sanegad. Inafa amlitara is tixolucapa mali inaf storkaf berpot va nisu sinkad. Toleaf berpot levi inafa awalkera di zo piskur. Vuestexa

Harper Lee  Koblira  27/06/1928,  Monroeville , Tanarasokeem  Awalkera  19/02/2016,  Monroeville , Tanarasokeem  Vedeyot  Tanarasokeem  Ava  Englava  Suterind  Berpot   Suterot  To Kill a Mockingbird – Beendos me zo gonaytar (1960) Go Set a Watchman (2015)   Tuveli icde Suteroteem