Oprah Winfrey

Oprah Gail Winfrey inggih punika silih tunggil sélébriti miwah pengusaha Amérika Serikat sané wastannyané kasub sasampun makta acara pabligbagan sané pinih populér, The Oprah Winfrey Show. Dané madué arta brana ngantos 2.7 miliar dolar AS, nika mawinan dané ngranjing ring pupulan miliarder ring jagaté. Reramannyané sadurungné ngawastanin dané Orpah, sakadi sané wénten ring Alkitab, nanging sang bidan sané nyatet nénten maca tur nulis sakadi punika, nika mawinan kagentos dados Oprah Winfrey.

Oprah Winfrey

Ri tatkala Alit

Oprah embas ring tanggal 29 Januari 1954 ring Kosciusko, Mississippi, tur kelih ring peternakan olih nininnyané sané mawasta Hattie Mae salami nem warsa. Ri tatkala mayusa nem warsa, biangnyané sané mawasta Vernita, ngamolihang pakaryan dados pengayah ring Milwaukee, Wisconsin tur sasampunnyané Oprah kaambil saking nininnyané. Ring Milwaukee, dané patut meneng ring siki kamar sareng biangnyané tur kalih sameton tirinnyané, lanang miwah istri. Sabilang wai Vernita ngalahin pianaknyané semeng tur mawali ring wenginyané, nika mawinan biangnyané nénten madué galah majeng kulawarganyané.

Oprah kayun mangda kaperhatiang olih biangnyané, Oprah ketah médal saking jeronnyané, nanging nénten nguningayang majeng ring reramannyané. Ri tatkala mayusa sia warsa, dané kalécéhang olih misannyané sané mayusa 19 warsa ri tatkala nyaga dané. Oprah nénten nguningayang majeng ring anak lianan indik punika. Ri tatkala mayusa pat belas warsa, Oprah mobot tur pianaknyané ngalahin makudang-kudang wai sasampun kaembasang. Sasampunnyané Oprah meneng sareng ajinnyané, nika sané prasida ngauwah uripnyané.

Ri tatkala Bajang

Ri tatkala pat belas warsa, Oprah meneng sareng ajinya sané mawasta Vernon Winfrey tur biang tirinyanné sané mawasta Zelma sané kawangiang ring para krama ring Tennessee. Ajinnyané ngicénin paplajahan mangda Oprah mrasidayang ngamecikan nilainyanné. Ajinnyané taler ngicénin rasa cinta tur kasih sayang sané ngawinang Oprah prasida bangkit. Nilannyané dados ngamecikan tur dané kasub ring sekolahnyané. Ring yusa nem belas warsa, dané ka Los Angeles antuk dados pembicara ring geréja. Tur ring yusa pitulas warsa, dané ngamolihang pakaryan pinih pertama dados penyiar orti ring stasiun radio lokal. Dané ngamolihang upah sané akéh. Ring warsa siongolas dané dados wartawan tur penyiar orti ring tipi.

Puncak Kejayaan

The Oprah Winfrey Show

Ring warsa 1976, Oprah dados panganter acara TV RING Baltimore tur salanturnyané kapromosiang dados sané nampingin panganter acara pabligbagan sané kawastanin People Are Talking. Ring warsa 1984, Oprah ngamolihang terobosan ageng, dané kanikayang dados panganter acaranyané Chicago. Acara A.M. Chicago sané ring galah punika masarengan sareng acara Phill Donahue Show sané kasub, nanging Oprah mrasidayang ngawinang acarannyané kasub tur dané dados bintang ring 120 kota ageng ring sajebag Amérika.

The Oprah Winfrey Show pinih pertama kasiarang ring warsa 1986, tur sukses dados pertunjukan sané pinih kasub ring tipi, nika ngawinang dané dados anak istri makulit selem sané bangkit saking kamiskinan tur dados bintang sané upahnyané pinih tegeh. The Oprah Winfrey Show dados talk show nomer pertama ring galah punika. Acara punika kasaksiang olih 48 yuta pamiarsa nyabran minggu ring Amérika tur kasiarang ring 126 panegara.

Pendiri Majalah tur Direktur Editorial

Ring bulan April warsa 2000, Oprah miwah Majalah Hearts ngenalang O, The Oprah Magazine. Majalah punika dados majalah sané sukses ring lelintihan penerbitan krana kawacén olih sawatara 2,3 yuta nyabran sasihnyané. Ring bulan April 2002, Oprah ngluncurang édisi pertama internasional saking O, The Oprah Magazine ring Afrika Selatan.

Aktris miwah Produser

Oprah dados bintang pilem, tur akting ring drama saking makudang-kudang penulis brilian, Harpo Production:

• The Color Purple (1985)
• Native Son, The Women of Brewster Place (1989)
• Before Women Had Wings(1997)
• Beloved (1998)

Penghargaan

• 2006

Majalah Time — 100 Orang yang Paling Berpengaruh di Seluruh Dunia.

Library Lion 2006 saking Perpustakaan Publik New York (The New York Public Library).

• 2005

2005 National Freedom Award saking Musium Hak-hak Sipil Nasional (National Civil Rights Museum)

National Association for the Advancement of Colored People — Hall of Fame

Majalah Time — 100 Orang yang Paling Berpengaruh di Seluruh Dunia.

2005 International Emmy Founders Award saking International Academy of Television Arts & Sciences.

• 2004

Penghargaan Global Aksi-aksi Kemanusiaan (Global Humanitarian Action Award ) saking Asosiasi : PBB Amerika (United Nations Association of the United States of America)

Penghargaan atas Jasa Terhormat (Distinguished Service Award) saking Asosiasi Penyiaran Nasional (National Association of Broadcasters)

Majalah Time — 100 Orang yang Paling Berpengaruh di Seluruh Dunia.

• 2003

Association of American Publishers – AAP Honors Award

• 2002

54th Annual Primetime Emmy Awards® – Bob Hope Humanitarian Award

Broadcasting & Cable – Hall of Fame

• 1999

National Book Foundation – 50th Anniversary Gold Medal

• 1998

National Academy of Television Arts & Sciences® – Lifetime Achievement Award

Majalah Time — 100 Orang yang Paling Berpengaruh pada abad ke 20th.

• 1997

Newsweek – Most Important Person in Books and Media

TV Guide – Television Performer of the Year

• 1996

International Radio & Television Society Foundation – Gold Medal Award

George Foster Peabody Awards – 1995

Individual Achievement Award