School tot Opleiding van Inlandsche Artsen

School tot Opleiding van Inlandsche Artsen (basa Indonésia: Sekolah Pendidikan Dokter Bumiputra), utawi taler kauningin utawi kaancengin STOVIA, inggih punika sekolah antuk pendidikan dokter pribumi ring Batavia duk masa kolonial Hindia Belanda. Mangkin, sekolah puniki sampun dados Fakultas Kedokteran Universitas Indonésia.

Lelintihan

Santukan ring kakirangan tenaga kesehatan sane prasida ngamecikang makudang-kudang penyakit sane kaon ring wewidangan jajahannyane,, pamerintah kolonial nyuratang indik ngamargiang kursus kesehatan ring Hindia Belanda. Ring tanggal 2 Januari 1849, Surat Keputusan Gubernemen no. 22 kasobyahang indik punika, antuk ngenahang genah pendidikannyané ring Rumah Sakit Militer (sane mangkin RSPAD Gatot Subroto) ring kawasan Weltevreden, Batavia (sane mangkin Gambir miwah sekitarnyané).

Ring 5 Juni 1853, kegiatan kursus dokter kesehatan kaajengang antuk Surat Keputusan Gubernemen no. 10 dados Sekolah Dokter Djawa, antuk masa pendidikan tigang warsa. Lulusanné magelar "Dokter Djawa", nanging pakaryannyané sané pinih akéh wantah dados mantri cacar.

Ring panguntat aab ka-19, Welanda ngamolihang paruman kebijakan antuk ngamecikang politik étika sané matetujon antuk ngwangun kesetaraan majeng krama pribumi utawi krama Indonésia sané wénten ring masa punika. Kawijakan puniki ngranjing ring tigang widang, inggih punika irigasi, pendidikan, miwah émigrasi.^[1] Sinalih tunggil widang punika inggih punika pendidikan sane ngawinang para krama adat prasida ngamolihang pendidikan. Tiosan ring punika, gering punika sampun nglimbak ring Pulo Jawa, nanging prabéya ngerereh dokter saking Eropa punika akéh pisan.^[2] Indik punika ngawinang pikayunan mangda prasida ngicen pendidikan majeng krama adat mangda dados mantri. Pinaka solusi saking pikobet puniki, Hermanus Frederik Roll, sané duk punika ngeranjing pinaka direktur Sekolah Dokter Jawa taler ngusulang ring pamaréntahan Belanda mangda ngwangun genah pendidikan kedokteran sané prasida katandur sareng pendidikan kedoktoran sané wénten ring Belanda. STOVIA taler kawangun duk warsa 1851, magenah nampek ring rumah sakit militer. STOVIA nenten ngidih biaya taler ngicénin peralatan kuliah, seragam gratis taler beasiswa 15 gulden bulanan mangda prasida ngamolihang perhatian krama pribumi sané masekolah irika. Situasi puniki sané ngawinang STOVIA polih julukan pinaka 'sekolah nak tiwas'.^[3] Siswa-siswi STOVIA punika wajib makarya sajeroning dasa warsa. Yéning pakaryane punika nénten kapolihang, ipun pacang kabanda antuk jinah 5.800 gulden.^[4]

Salanturnyané, Sekolah Dokter Djawa ngalaksanayang perbaikan miwah penyempurnaan kurikulum. Ring warsa 1889, arannyané kagentosin dados School tot Opleiding van Inlandsche Geneeskundigen (utawi Sekolah Pendidikan Ahli Ilmu Kedokteran Asli), raris ring warsa 1898 kagentosin malih dados School tot Opleiding van Inlandsche Artsen(utawi Sakola Dokter Asli). Pamuputnyané duk warsa 1913, kruna Inlandsche (pribumi) kagentosin dados Indische (India) santukan sekolah puniki raris kabuka antuk sapasira jua, rumasuk krama sané mawit saking "Wétan Asing"^[5] miwah Eropa, riantukan sadurungnyané wantah krama pribumi.

Cikal bakal saking gerakan nasional ring Hindia Welanda ngawit saking sekolah puniki rikala Dr. Wahidin Soedirohoesodo miwah Dr. Soetomo sané sareng kalih dados alumni STOVIA ngwangun organisasi gerakan nasional kapertama sané mamurda Budi Utomo ring 20 Méi 1908.

Panglimbak selanturnyané

Aran STOVIA tetep kaanggen nganti 9 Agustus 1927, ritatkala pendidikan dokter resmi kadadosang pendidikan tinggi, sareng aran Geneeskundige Hoogeschool (utawi Sekolah Tinggi Kedokteran). Wénten malih makudang-kudang owah-owahan aran, inggih punika 醫科大學 (Ika Daigaku, Sekolah Kedokteran) ring kalpa pendudukan Jepang miwah Perguruan Tinggi Kedokteran Républik Indonésia ring kalpa pangawit kamerdékaan Indonésia. Saking 2 Pébruari 1950, Pemerintah Republik Indonesia ngentosin dados Fakultas Kedokteran Universitas Indonésia, sané kantun mamargi kantos mangkin.

Pustaka

↑ Parinduri, Alhidayath (23 Februari 2021). "Kapan Boedi Oetomo Didirikan, Latar Belakang Sejarah, & Tujuannya?". tirto.id (ring Indonesia). Kaaksés 24 November 2021. Check date values in: |date= (help)
↑ "STOVIA, Boedi Oetomo, dan Kebangkitan Pergerakan Nasional". Direktorat SMP (ring Indonesia). 20 Mei 2021. Kaaksés 24 November 2021. Check date values in: |date= (help)
↑ "Budi Utomo 20 Mei 1908, Awal Pergerakan Nasional Indonesia menuju Indonesia Merdeka". kebudayaan.kemdikbud.go.id. 20 Mei 2019. Kaaksés 25 November 2021. Check date values in: |date= (help)
↑ Matanasi, Petrik (20 Agustus 2020). "Tjipto hingga Leimena: Penerima Beasiswa yang Membangkang Belanda". tirto.id (ring Indonesia). Kaaksés 25 November 2021.
↑ Antara lain penduduk keturunan Tionghoa, Arab, dan India

Pranala jaba

Raharja, gede, becik. Kaarsip Wayback Machine., artikel ring Bali Post online, Minggu Gaji, 22 Mei 2005. Kaakses ring 28 Januari 2007.

[:02-1] Parinduri, Alhidayath (23 Februari 2021). "Kapan Boedi Oetomo Didirikan, Latar Belakang Sejarah, & Tujuannya?". tirto.id (ring Indonesia). Kaaksés 24 November 2021. Check date values in: |date= (help)

[2] "STOVIA, Boedi Oetomo, dan Kebangkitan Pergerakan Nasional". Direktorat SMP (ring Indonesia). 20 Mei 2021. Kaaksés 24 November 2021. Check date values in: |date= (help)

[3] "Budi Utomo 20 Mei 1908, Awal Pergerakan Nasional Indonesia menuju Indonesia Merdeka". kebudayaan.kemdikbud.go.id. 20 Mei 2019. Kaaksés 25 November 2021. Check date values in: |date= (help)

[4] Matanasi, Petrik (20 Agustus 2020). "Tjipto hingga Leimena: Penerima Beasiswa yang Membangkang Belanda". tirto.id (ring Indonesia). Kaaksés 25 November 2021.

[5] Antara lain penduduk keturunan Tionghoa, Arab, dan India

[1]

[2]

[3]

[4]

[5]