Проса

Про́са (Panicum) — род аднагадовых травяністых раслін сямейства злакаў, налічваецца каля 500 відаў.

Проса
Panicum miliaceum — тыпавы від рода Проса
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Просавыя Трыба:  Paniceae Род:  Проса
Міжнародная навуковая назва
Panicum L.
Сістэматыка на Віківідах Выявы на Вікісховішчы ITIS   40901 NCBI   4539 EOL   108060 GRIN   g:8795 IPNI   18661-1

З III тысячагоддзя да нашай эры проса вырошчваюць як сельскагаспадарчую культуру ў Кітаі і Манголіі.

Пераважна вырошчваецца проса звычайнае (Panicum miliaceum L.). Са збожжа проса вырабляюць крупы. Проса з’яўляецца каштоўнай крупяной культурай, якая здольная забяспечыць адносна высокія і даволі стабільныя ўраджаі нават у засушлівыя гады. Пры выкананні тэхналогіі гадоўлі яно дае часта больш высокія ўраджаі, чым іншыя збожжавыя культуры.

Пасяўныя плошчы проса займаюць чацвёртае месца ў свеце сярод асноўных збожжавых культур. У апошнія гады вытворчасць проса павялічылася ў шматлікіх краінах Амерыкі, Еўропы і Азіі.

Гл. таксама

• Яглі
• Бяссольнік

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 40. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Просо: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)