Dhaka
Dhaka (ঢাকা e bangla, distaget [ˈɖʱaka], a veze skrivet Dacca gwechall) eo kêr-benn Bangladesh ha brasañ kêr ar vro-hont, gant 10,1 milion a annezidi (2024).
| Dhaka | |
|---|---|
| Riez |  Bangladesh
|
| Maer | Sadeque Hossain Khoka |
| Bann | Dhaka |
| Led | 23° 42' 00" Norzh |
| Hed | 90° 22' 30" Reter |
| Uhelder | 60 m |
| Poblañs ar Megapol | 18 278 882 (2024) |
| Stankter | 68 000 a./km² |
Emañ Dhaka e gevred Bangladesh, war lez ar stêr Buriganga, ur vrec'h d'ar Ganga. Ur porzh eo hag ur greizenn genwerzhel ha greantel a bouez. Ur skol-veur zo, savet e 1921.
Ur gêr gozh eo Dhaka, met ne grogas da vezañ ur gêr vras nemet er XVIIvet kantved, pa zeuas da vezañ kêr-benn rannvro Bengal en Impalaeriezh Voghol. Er XVIIIvet kantved e tremenas dindan veli Breizh-Veur. Pa voe krouet Pakistan e 1947 e voe lakaet da gêr-benn al lodenn reter eus ar vro (Reter Pakistan). Ha pa voe embannet dizalc'hidigezh Bangladesh diouzh Pakistan, e 1971, e teuas da vezañ kêr-benn ar vro nevez.
Doareoù ar vuhez
kemmañUnan eus ar c'hêrioù fallañ eus ar bed eo evit doareoù ar vuhez, renket 139vet war 140 gant The Economist Intelligence Unit e 2015. Tro 30% eus poblañs ar gêr a oa o chom e lochennoù e 2016.[1]
Poblañs
kemmañ.JPG)
Hervez niveradeg kentañ ar gêr e 1872 e oa 69 213 annezad e Dhaka. An dispartiañ eus Indez e 1947 en deus krouet un divroadur bras eus muzulmaned eus India ha poblañs ar gêr en deus kresket betek tizhout 336 000 a. e 1951. An niver a annezidi en deus kresket kalz bras adalek dizalc'hidigezh Bangladesh e 1971. E 2001 e oa 9 milion a annezidi, hag e 2024 e oa 10,1 milion a dud e Dhaka.
E Takad Meur-gêr Dhaka e oa 14,6 milion a annezidi e 2010, ha 23,9 milion a dud e 2024.
Dhaka a zo unan eus kêrioù ar bed gant ar brasañ stantker.
Kêrioù gevellet
kemmañ
Skeudennoù
kemmañ-
Dhaka, ar porzh -
-
Bodadeg Vroadel Bangladesh, Dhaka. -
Bodadeg Vroadel Bangladesh, tu-dreñv. -
Eil pont Hatirjheel, Dhaka. -
"Crescent Lake" - Chandrima Uddan. -
Mozoleon Ziaur Rahman, Chandrima Uddan. -
Tarzh-an-deiz e Dhaka. -
Hatirjheel
.jpg)
.jpg)
.jpg)
.jpg)
.jpg)
.jpg)
Notennoù ha daveoù
kemmañ- ↑ (en)"Costs and benefits of improving water and sanitation in slums and non-slum neighborhoods in Dhaka, a fast-growing mega-city". gant Brouwer, Roy; Sharmin, Dilruba F.; Elliott, Susan; Liu, Jennifer; Khan, Mizan R. (2023). Ecological Economics. 207: 107763.
- ↑ Mazumdar, Jaideep (17 a viz Du 2013). "A tale of two cities: Will Kolkata learn from her sister?".
- ↑ 3,0 ha3,1 List Of Sister Cities – What Is A Sister City? (12 a viz Meurzh 2019).
- ↑ "Bucharest becomes Dhaka's sister city", The Business Standard (15 a viz Meurzh 2022).
- ↑ Sister Cities: Similar Customs (14 a viz Genver 2018).