Morfa Harlech
 Morfa Harlech a'r cyffiniau o gopa Moel Goedog | |
| Math | morfa  |
|---|---|
| Daearyddiaeth | |
| Sir | Gwynedd |
| Gwlad |  Cymru |
| Cyfesurynnau | 52.87952°N 4.124578°W |
 | |
| Statws treftadaeth | Safle o Ddiddordeb Gwyddonol Arbennig |
| Manylion | |
Morfa yn ne Gwynedd yw Morfa Harlech, sy'n gorwedd ar lan Bae Ceredigion ger Harlech yn ardal Ardudwy. Mae rhan o'r morfa yn un o Warchodfeydd Natur Cenedlaethol Cymru.
Ffurfia Morfa Harlech driongl o dir tua 3 milltir ar draws rhwng y Traeth Bach ar lan Afon Dwyryd i'r gogledd, Bae Ceredigion i'r gorllewin a rhagryniau'r Rhinogydd i'r dwyrain, gyda thref Harlech i'r de a phentref Llanfihangel-y-traethau ar y cwr gogledd-ddwyreiniol. Rhed y briffordd A496 ar hyd yr ymyl dwyreiniol. Ceir traeth hir syth yno gyda nifer o dywynni tywodlyd y tu ôl iddo, sy'n ffurfio'r morfa ei hun. Mae rhannau o'r morfa yn dir amaethyddol.
Cadwraeth
Lleolir y Gwarchodfa Natur yng nghornel y gogledd-orllewin. Mae'n nodedig am ei flodau gwyllt sy'n cynnwys orchidau prin.
Yn ogystal, gyda Morfa Dyffryn mae Morfa Harlech yn Ardal Gadwraeth Arbennig.
Newid
Cynhaliwyd arolwg tymor hir 1978-2010 trwy fanteisio ar bwt o ffens a osodwyd am reswm arall. Fe ddarganfuwyd yn fuan iawn cyflwr hynod ddeinamig y twyni tywod dros y cyfnod.
.jpg)
