Yzop

Yzop

Yzop (Hyssopus officinalis)
systematika
Domena	Eukaryoty
Swět	Rostlinstwo
	Euasteridy I
pórěd:	(Lamiales)
swójźba:	Gubkate kwitarje (Lamiaceae)
pódswójźba:	Nepetoideae
rod:	(Hyssopus)
družyna:	Yzop
wědomnostne mě
Hyssopus officinalis
L.

Yzop (Hyssopus officinalis) jo rostlina ze swójźby gubkatych kwitarjow (Lamiaceae).

Wopis

Yzop jo wěcejlětne zele, kótarež dośěgnjo wusokosć wót 60 cm. Rostlina jo zymje pśetrajuca.

Śamnozelene łopjena su wuske a špicne.

Kwiśonki

Kwiśo w póznem lěśe. Małke, wioletnomódre kwiśonki stoje w pózdatnych kłosach.

Teke se góźe formy z běłymi a rožojtymi kwiśonkami kupowaś.

Wužywanje

Pitśku górke łopjena se w małkich kopicach k wěrcowanju tucnego měsa a tucneje ryby wužywaju.

Z łopjenow zgótowany eteriski wólej ma antiseptiske kakosći a se w zgótowanju parfimow wužywa.

Žrědła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 455 (nim.)

Eksterne wótkaze

• Ysop. W: FloraWeb.de. (nim.)