Akademio Literatura de Esperanto

La 24-an de julio 2008 naskiĝis en Roterdamo la Akademio Literatura de Esperanto (ALE), por daŭrigi la laboron de la iama Esperantlingva Verkista Asocio (EVA). Ekde 2021 ĝi organizas la Interkulturan Novelo-Konkurson.

Oni ne konfuzu ĝin kun la lingva Akademio de Esperanto (AE aŭ AdE).

Historio

EVA fondiĝis en 1983. Ekde 1984 ĝi kunlaboris kun la Universala Esperanto-Asocio. Ĝia ĉefa celo estis "stimuli kaj plialtniveligi la Esperantlingvan verkadon kaj agnoskigi la Esperantan literaturon en kaj ekster la Esperanto-Movado".

Estraro

• Prezidanto: Mauro Nervi.
• Sekretario: Spomenka Štimec.
• Kasisto: Tomasz Chmielik.
• Komitatanoj: István Ertl, Nicola Ruggiero.

Eksteraj ligiloj

• Oficiala retejo