Bedano
Bedano estas komunumo de la komunumaro Taverne kaj la distrikto Lugano en Kantono Tiĉino, Svislando. Ĝi havis 1471 loĝantojn je la 31-a de decembro 2011.
| Bedano | |
|---|---|
 | |
| Blazono de Bedano | |
_065.JPG) | |
| Bedano fotita el la trajno de Belinzono al Lugano | |
| Kantono | Tiĉino |
| Distrikto | Lugano |
| Komunumaro | Taverne |
| Koordinatoj | 46° 3′ 7″ N 8° 55′ 25″ O / 46.05194 °N, 8.92361 °O (mapo)Koordinatoj: 46° 3′ 7″ N 8° 55′ 25″ O / 46.05194 °N, 8.92361 °O (mapo) |
| Nombro de loĝantoj | 1471 |
| Areo | 1,87 km² |
| Alteco | 387 m super marnivelo |
| Poŝtkodo | 6930 |
| Komunumkodo | 5148 |
 | |
| Mapo de Bedano | |
Geografio
redaktiBedano situas nordokcicente de la urbo Lugano ĉe la okcidenta bordo de la rivero Vedeggio. La komunumo konsistas el la partoj Bedano, Chioso, Gerra kaj Mara.[1]
La teritorio de la komunumo etendiĝas sur areo de 1,87 km², de kiuj 51,6% estas kovritaj de arbaro, 14,6% servas por agrikulturo kaj 29,7% por setlado. [2]
Najbaraj komunumoj
redaktiLa komunumo Bedano limas en nordo al Torricella-Taverne, en oriento al Lamone, en sudo al Gravesano, kaj en okcidento al Alto Malcantone.
Trafiko
redaktiTra Bedano pasas la malnova vojo de Ponte Tresa al la montopasejo Monte Ceneri, kiu estas paralela vojo al la kantona ĉefvojo n-ro 2, kiu pasas oriente de la rivero Vedeggio laŭlonge de la komunumlimo. Tra la komunuma teritorio pasas ankaŭ la svisa aŭtovojo A2, kies alveturejo Lugano-Nordo situas proksimume 2 kilometrojn sude de la komunumo. Pere de buslinio de Torricella al Lugano de la loka busreto de la urbo Lugano la komunumo estas konektita al la publika transportreto. La komunumo disponas ankaŭ pri industriaj reloj al la Gotardo-Fervojo.
Historio
redaktiLa unua dokumenta mencio de Bedano datiĝas el la jaro 793 kiel Vico Bedani.[3] Dum mezepoko Bedano apartenis al la jurisdikcio de la Monaĥejo Sank Ambrogio en Milano, dum la interezrajto apartenis al la episkopo de Como. Post la konkero fare de la Svisa Ĵurkomunumo en la 15-a jarcento, Bedano apartenis al la kamparo de Lugano.[4]
Notoj kaj referencoj
redakti- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Artikolo pri la historio de Bedano en la retejo de la komunumo
- ↑ Fonto: Bernardino Croci Maspoli: Bedano en Historia Leksikono de Svislando (2004-06-10)
Eksteraj ligiloj
redakti- Vidu ankaŭ en la Vikimedia Komunejo la kategorion Bedano – (Kolekto de bildoj kaj plurmediaj dosieroj)