Distrikto Covasna

Covasna [kovasna] (hun: Kovászna) estas distrikto (rumane județ) sur la teritorio de la malnova Háromszék (rumane Trei Scaune; germane Drei Stühle = tri seĝoj) kun ĉefurbo Sfântu Gheorghe (hungare Sepsiszentgyörgy) (67.108 loĝantoj). La distrikta kodo estas CV. Laŭ la stato de 2021 en la distrikto vivis 200 042 loĝantoj sur areo de 3 710 kvadrataj kilometroj, kio rezultigas loĝdenson de 54 loĝantoj/km².

Distrikto Covasna
distrikto
Ĉefurbo	Sfântu Gheorghe
Regiono	Transilvanio
mallonge	CV
Telefono	+40×67...
Areo	3 710 km² (39-a rango)
Loĝantaro	200 042 (stato de 2021, 41-a rango)
Loĝdenso	54/km²
La signo × en la telefona prefikso estas 2 aŭ 3, depende de la kompanio

Ĝiaj najbaroj estas: oriente — distriktoj Bacău kaj Vrancea, sud-oriente — distrikto Buzău, sud-okcidente — distrikto Brașov kaj norde distrikto Harghita.

Loĝantaro

Distrikto Covasna apartenas al sikullando, tial la plejparto de ĝiaj loĝantoj estas hungarlingva. Pro sia situo en montaro (Karpatoj) ĝi estas maldense loĝata.

En la jaro 2001 ĝi havis 231.172 loĝantojn kun popoldenseco de 62 loĝantoj/km². 75 % de la loĝantaro estas hungarlingva, 24 % rumanlingva. Covasna havas la plej malmultnombran loĝantaron de ĉiuj rumanaj distriktoj.

Geografio

La surfaco de la distrikto estas 3.710 km². Ĝi estas la tria plej malgranda el la rumanaj distriktoj, post Ilfov kaj Giurgiu.

• 
  La distrikta blazono
• 
  Etnoj de sikullando (1992)
• 
  Etnoj de sikullando (2002)

Municipoj

• Sfântu Gheorghe (Sepsiszentgyörgy)
• Târgu Secuiesc (Kézdivásárhely)

Urboj

• Covasna (urbo) (Kovászna)
• Baraolt (Barót)
• Întorsura Buzăului (Bozdaforduló)

Bibliografio

• Kisgyörgy Zoltán: Kovászna megye. (gvidlibro hungare). PALLAS-AKADÉMIA Könyvkiadó, Csíkszereda, 2000.

Vidu ankaŭ

• Listo de komunumoj de Covasna (distrikto)

Eksteraj ligiloj

• Konsilia retejo
• Prefekteja retejo Arkivigite je 2017-11-13 per la retarkivo Wayback Machine
• Administraciaj mapoj de transilvaniaj distriktoj Arkivigite je 2013-03-13 per la retarkivo Wayback Machine
• Popolnombrado 2002
• Vortaro de loknomoj en Transilvanio rumane, hungare kaj germane Arkivigite je 2014-10-29 per la retarkivo Wayback Machine