Hagen

Tiu ĉi artikolo temas pri la urbo Hagen en okcidenta Germanio. Krome ekzistas pliaj samnomaj loĝlokoj en Germanlingvio - pri ili vidu apartigan paĝon.

Hagen estas eksterdistrikta urbo en la sudorienta parto de la industria Ruhr-regiono. Ĝi situas en la federacia lando Nordrejn-Vestfalio de Germanio, kaj apartenas al la distriktaro Arnsbergo. Hagen proksimas al la arbara kaj malurba regiono Sauerland [prononco Sáŭalant], kaj estas la plej grava urba centro por la homoj el tiu regiono. Fine de decembro 2022 la urbo havis 189 783 loĝantojn. La areo de la urbo, kiu ampleksas 160,4 km², kompareblas al tiu de la princlando Liĥtenŝtejno, kiu havas areon de 160 km². Parto de la urbo interalie estas la mezepoka burgo Hohenlimburg kaj ĉirkaŭa samnoma urboparto, el kiu devenis la patro de William E. Boeing, 1881-1956, kiu fondis la usonan aviadilproduktan konzernon Boeing, kiu dum la 20-a jarcento ekonomie tre prosperis.

Hagen
Hagen (Germanio) DEC
urbego • urba komunumo de Germanio • Hansa urbo • eksterdistrikta urbo de Nordrejn-Vestfalio
Ĝemelurboj Smolensk • Montluçon • Steglitz-Zehlendorf • Bruck an der Mur • Kouvola • Modiino • Ełk vd
Administrado
Federacia lando	Nordrejn-Vestfalio
Distriktaro	Distriktaro Arnsberg
Distrikto	eksterdistrikta urbo
Urborajtoj	Urbo (Stadt)
Telefona antaŭkodo	02331, 02334, 02337, 02304
Poŝtkodo	58089–58135
Aŭtomobila kodo	HA
Oficiala Municipokodo	05914000
NUTS	DEA53
Politiko
Komunumestro	Erik O. Schulz
Partio de komunumestro	senpartia
Adreso de la administrejo	Rathausstr. 11 58095 Hagen
Demografio
Loĝantaro	189783 (stato 2022-12-31) [fonto: landa statistika oficejo]
Geografio
Geografia situo	51° 22′ N, 7° 29′ O (mapo)51.3594444444447.475
Alto super la marnivelo	106 m
Areo	160,35 km²
Oficiala retejo	https://www.hagen.de/

la urbodoma placo

la mezepoka burgo Hohenlimburg

Urbopartoj

• Haspe
• Vorhalle
• Westerbauer

Vidindaĵoj

LWL-Freilichtmuseum Hagen – Westfälisches Landesmuseum für Handwerk und Technik [LWL-liberaera muzeo je Hagen – Vestfala Landa Muzeo por Metio kaj Teĥniko] (WFH) estas subĉiela muzeo en Hagen, en la valo de la rivereto Mäckingerbach en la sudorienta Ruhr-Regiono. Ĝin tenas la Regiona Ligo Vestfalujo-Lipo (LWL). Malsame ol la plej multaj eŭropaj liberaeraj muzeoj WFH ne sindediĉas al la prezentado de biena kaj kampara ĉiutago, sed al la historio de metio kaj teĥniko.

Servoj

La Harkort'sche Fabrik, eo: Harkort-a Fabriko estis fabriko de la feraĵofabrika familio Harkort en Hagen.

La Distanca Universitato Hagen (germane FernUniversität) estas la unua kaj nura ŝtata distanca universitato en Germanio. Ĝia ĉefsidejo estas en Hagen.

Partneraj urboj

• Ełk (Pollando), ekde 1955
• Liévin (Francio), ekde 1960
• Kouvola (Finnlando), ekde 1963
• Montluçon (Francio), ekde 1965
• la urbodistrikto Steglitz-Zehlendorf de Berlino (Germanio), ekde 1967
• Bruck an der Mur (Aŭstrio), ekde 1975
• Smolensk (Rusio), ekde 1985
• Modiino (Israelo), ekde 1997

Trafiko

Hagen per individua motora trafiko konektiĝas al la aŭtovojoj , kaj , ankaŭ per la malpli vasta federaciaj vojoj kaj , kaj kompreneble ankaŭ havas fervojan stacidomon.

Eksteraj ligiloj

• Oficiala retejo (germane)