Korento
La malnovfranca korento (france: courante, itale: corrente = kuranta) estis modere rapida societa danco, plejofte en 3/2 aŭ 6/4-takto. Ĉ. 1600 en Francio okazis muzika traktado, poste el tiu evoluis la itala corrente. Same kiel ankaŭ la alemando, sarabando kaj ĝigo ĝi iĝis fiksa ero de la baroka suito. Kune kun la alemando ĝi anstataŭis la eksmodiĝintan dancoparon pavano-galjardo.
Distingiloj estas:
- kontinua oktona ritmo (ofte ĉe J. S. Bach)
- punktado en la unua aŭ dua taktoduono
- plejofte kun antaŭtakto
