Nikolao Hovorka
Nikolaus HOVORKA [NIkolaŭs hoVORka], esperantigite Nikolao HOVORKA, antaŭ la unua mondmilito EDLER VON ZDERAS (barono de Zderas) (naskita la 6-an de decembro 1901 en Tesliĉ, Bosnio; mortinta la 23-an de decembro 1966 en Neunkirchen, Malsupra Aŭstrio) estis aŭstra esperantisto, verkisto kaj redaktoro.
| Nikolao Hovorka | |
|---|---|
| Persona informo | |
| Naskiĝo | 1-an de januaro 1901 |
| Morto | 23-an de decembro 1966 (65-jaraĝa) |
| Lingvoj | Esperanto • germana |
| Ŝtataneco | Aŭstrio 
|
| Okupo | |
| Okupo | esperantisto redaktoro ĵurnalisto publikigisto poeto
|
Vivo
redaktiNikolao Hovorka estis filo de kuracisto Oskar Hovorka. Li abiturientiĝis en 1921 en la Akademia Gimnazio (Akademisches Gymnasium) de Vieno. Poste li studis historion, filozofion, bioligion kaj medicinon en la universitatoj de Vieno, Parizo (Sorbono) kaj Berlino. Li laboris kiel ĵurnalisto kaj publicisto kaj loĝis en Vieno; interalie li ĉefredaktis la ĉiutagan gazeton Das Kleine Blatt. De 1938 ĝis 1942 li estis arestita en la naziaj koncentrejoj en Mauthausen kaj Dachau. En 1950 li fariĝis ĉefredaktoro de la katolika ĉiusemajna gazeto Offenes Wort, en 1955 de Freiheit, kiu estas la organo de ÖAAB, la laborista suborganizo de la konservativa partio ÖVP. Krome li prezidis Österreichischer Familienbund, lobian asocion por aŭstraj familioj. Li mem havis tri infanojn.
Esperanto-agado
redaktiKiel ĉefredaktoro de germanlingva periodaĵo Berichte zur Kultur- und Zeitgeschichte li dediĉis konstantan rubrikon al Esperanto. En la 1930-aj jaroj li kunlaboris en Literatura Mondo kaj kontribuis al la esperantlingva poemantologio Dekdu Poetoj aperinta en 1934.
Antaŭ la dua mondmilito li estis prezidanto de diversaj Esperanto-societoj en Vieno; li organizis kursojn kaj estis sekretario de Aŭstra Esperanto-Asocio.
Fontoj
redakti- Robert Winter: Das Akademische Gymnasium in Wien, Vieno 1996, paĝoj 186–187.
- Alois Josef Leeb: Gedenktafel für Anna Hovorka (1905–1954). En: Amtsblatt der Gemeinde Wartmannstetten, n-ro 2/2009, julio 2009, paĝoj 6–7.
Eksteraj ligiloj
redakti- Poemoj de Nikolaus Hovorka en Dekdu Poetoj. Kun enkonduka komento de Kálmán Kalocsay.[rompita ligilo]
- Verkoj de kaj pri Nikolaus Hovorka[rompita ligilo] en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine.