Nordland

Nordland
Provinco
Flago	Blazono
provinco de Norvegio [+]
Lando	Norvegio
Ĉefurbo	Bodø
- koordinatoj	67° N, 15° O (mapo)66.83333333333314.666666666667Koordinatoj: 67° N, 15° O (mapo)
Akvokolektejo	38 154,6 km² (3 815 460 ha) [+]
Areo	38 154,6 km² (3 815 460 ha) [+]
Loĝantaro	243 385 [+] (1-a de januaro 2019)
Denseco	6,38 loĝ./km² [+] [+]
Guberniestro	Kari Anne Bøkestad Andreassen
Horzono	UTC+01:00 [+]
ISO 3166-2	NO-18
Nordland (Tero)
	Nordland (Nordland)
	Nordland (Nordland)
	Nordland
	Vikimedia Komunejo: Nordland [+]
	En TTT: Oficiala retejo [+]
	v • d • r

Nordland ("Norda Lando") estas provinco de norda Norvegio, lime de Troms kaj Trøndelag. En ĝi loĝas 236 474 homoj (2010), aŭ 5,2 % de la totala loĝantaro de Norvegio. Areo estas 38 463 km². La regurbo estas Bodø.

Geografio

Lofoten

Nordland estas longa kaj mallarĝa. De la plej suda komunumo (Bindal) al la plej norda (Andenes) estas 800 km. La okcidenta marbordo havas multajn fjordojn. La plej konata verŝajne estas Vestfjorden, kiu vere ne estas fjordo, sed maro inter Lofoten kaj la kontinento. Sude de Bodø troviĝas Saltstraumen, kaj en Lofoten troviĝas Moskenesstraumen.

Tipa por Nordland estas la krutaj montoj proksime de la maro, kun preskaŭ ebena kampo inter maro kaj monto. Estas multaj da insuloj, miloj da ŝeroj. Ofte troviĝas valoj interne de la fjordoj (aŭ la fjordoj en la realo daŭrigas la valojn), kutime kun rivero tra la valo. Mo i Rana kaj Mosjøen troviĝas en tiaj valoj.

La glaĉero Svartisen, la lago Røssvatnet, la fjordo Tysfjorden, la rivero Vefsna kaj la montoj Oksskolten kaj Stetind ankaŭ estas menciindaj. La arkta cirklo trairas Nordland je la monto Saltfjellet.

Kalkoŝtono kutimas en Nordland, pro tio troviĝas multaj kavernoj. La plej fama estas Grønligrotta en Rana. Marmoron oni trovis en pluraj lokoj, kaj oni eksportas marmoron de Fauske al la tuta mondo.

Inter la multaj lagoj de la teritorio estas Alsvågvatnet, Andfiskvatnet, Arstaddalsdammen, Balvatnet, Baugevatnet, Bjørnefossvatnet, Bleiksvatnet, Blerekvatnet, Blåmannsisvatnet, Bogvatnet, Båvrojávrre kaj Børsvatnet.

Klimato

Nordland havas mildan klimaton konsiderante la latitudo. La plej okcidentaj insuloj havas meztemperaturon je 0 °C vintre, dum en la valoj pli interne estas pli malvarmaj.

Noktomeza suno

La pli norda parto de Nordland havas noktomezan sunon dum la somero. Dum kelkaj semajnoj en la vintro oni tute ne havas sunon. Teorie, la pli suda parto de Nordland havas tri horojn da suno je vintra solstico, tamen pro la montoj oni ne vidas ĝin.

Urboj

Bodø
Mo i Rana
Narvik
Mosjøen (en la komunumo Vefsn)
Fauske
Sandnessjøen (en la komunumo Alstahaug)
Sortland
Brønnøysund (en la komunumo Brønnøy)
Svolvær (en la komunumo Vågan)
Stokmarknes (en la komunumo Hadsel)
Leknes (en la komunumo Vestvågøy)

Komunumoj

Nordland

Kategorio Nordland en la Vikimedia Komunejo (Multrimedaj datumoj)

Bibliotekoj