Ocean Software
Ocean Software, ankaŭ konata kiel Ocean of America, Inc. en Usono, estis brita firmao kiu fakiĝis pri la eldono kaj disvolvo de videoludoj, bazita en Manĉestero. Fondita de David Ward kaj Jon Woods en 1983, kelkajn monatojn post iliaj unuaj ludoj fine de 1982, Ocean fariĝis unu el la plej gravaj videoludaj eldonejoj en Eŭropo antaŭ ol esti aĉetita en 1996 de la franca firmao Infogrames kaj renomiĝita Infogrames United Kingdom Limited en 1998[1].
Ocean Software | ||
---|---|---|
![]() | ||
videolud-evoluiga firmao • videoluda eldonejo vd | ||
Dum | 1983 - 1998 | |
Antaŭulo | Imagine Software | |
Sekvanto | Infogrames | |
Jura formo | Kompanio kun limigita Respondeco | |
Sidejo | Manĉestro | |
Lando | Unuiĝinta Reĝlando (Britio) | |
Historio
redakti8- kaj 16-bita epoko
redaktiLa kompanio estis fondita en 1983 sub la nomo Spectrum Games. La tradicia merkato de Ocean Software estis tiu de hejmaj komputiloj : unue la 8-bitokaj periloj (Amstrad CPC, ZX Spectrum, Oric, Commodore 64) kaj poste la 16- kaj 32-bita aparataro (Amiga, Atari ST). Post la fiasko de Imagine Software en 1984, Ocean aĉetis la rajtojn de la varmarko Imagine (la katalogo de ludoj estis akirita de la alia kompanio Beau Jolly) kaj uzis ĝin kiel eldonan markon ekde 1985 por la plimulto de 8-bitaj adaptoj de arkadaj videoludoj. Aliaj varmarkoj, kiel The Hit Squad kaj Addicted to Fun, estis uzataj por reeldonoj kaj kompiladoj de ludoj.
Dum la 1990-aj jaroj, Ocean Software pli malfermiĝis al la merkato de videoludiloj (NES, Mega Drive kaj Super Nintendo). Ĝia katalogo inkluzivas grandan nombron de konvertaĵoj de arkadaj videoludoj, ĉefe japanaj kaj produktitaj de Taito, Konami, SNK, Data East kaj TAD. La kompanio ankaŭ fakiĝis pri filmlicencaj ludoj, kun tre varia kvalito, kiujn ĝi prilaboris por granda nombro da platformoj. Ocean Software havis internajn disvolviĝajn teamojn, inkluzive en Francio kun Ocean France. Tamen la kompanio ofte ankaŭ turniĝis al eksteraj disvolviĝantoj. La kompanio ankaŭ havis filion en Usono, Ocean of America, Inc., bazita en San-Joseo, Kalifornio[2].
Inter la plej konataj originalaj ludoj de la firmao estas The Great Escape, Wizball, Robocop en 1988 (1-a rango de vendoj en Britio dum 50 semajnoj kaj eldonita en arkadejoj en 1988, sub licenco de Ocean Software, fare de Data East), Head over Heels, Epic, F-29 Retaliator, TFX aŭ Mr. Nutz. La lasta ludo publikigita de Ocean Software estis GT 64: Championship Edition por Nintendo 64.
Ocean France
redaktiEn 1996, Ocean Software anoncis sian fuzion kun la franca kompanio Infogrames[3] por £100 milionoj. Post tiu fuzio, Infogrames konservis Ocean kiel filion, kiu publikigos siajn proprajn videoludojn. Ocean estis poste akirita de Digital Image Design en 1998 kaj en la sama jaro, Infogrames renomis Ocean Software al Infogrames United Kingdom Limited[1].
Bazita en la 17-a arondismento de Parizo, Ocean France estis kreita kaj administrata de Marc Djan. Ĝi plejparte okupiĝis pri konvertiĝoj de arkadaj videoludoj al hejmaj komputiloj, inkluzive de Operation Wolf, Pang, Toki, Cabal, Plotting, Snow Bros., Dragon Ninja, Liquid Kids kaj aliaj rimarkindaj originalaj ludoj kiel Beach Volley, Ivanhoe kaj Mr. Nutz.
Ocean Loader
redaktiUnu el la plej rekoneblaj karakterizaĵoj de la ludoj de Ocean Software por Commodore 64 estis la tiel nomita « Ocean Loader ». Ĉar la ludoj sur kasetoj estis la plej popularaj en Eŭropo por 8-bitaj videoludiloj, la ŝarĝotempo kutime daŭris plurajn minutojn. La ludoj de Ocean, kontraŭe al aliaj, montras bildon kaj ludas muzikon dum la ŝarĝado. La Ocean Loader estis origine uzata en la ludo Hyper Sports[4]. Ĝis 1987, la Ocean Loader estis programita de Bill Barna, de 1987 ĝis la fino de la vivo de Commodore 64[5],[6]. La Freeload ankaŭ havas mekanismon de kopirajta protekto[5].
Eksteraj disvolvaj firmaoj
redakti- Arc Developments
- Denton Designs
- Digital Image Design
- Harlequin Software
- Level 9 Computing
- Magnetic Field
- Realtime Games Software
- Sensible Software
- Sentient Software
- Special FX Software
- Software Creations
- Teque Software
- The Dome
- Twilight Productions
- PAM Development