Gossau SG

Gossau SG
	Blazono de Gossau
	Blazono de Gossau
	La urbo Gossau vidita el la aero
	La urbo Gossau vidita el la aero
komunumo en Svislando • urbo en Svislando
Kantono	Sankt-Galo
Distrikto	Elektodistrikto Sankt-Galo
Koordinatoj	47° 25′ 0″ N 9° 15′ 0″ O / 47.41667 °N, 9.25000 °O (mapo)Koordinatoj: 47° 25′ 0″ N 9° 15′ 0″ O / 47.41667 °N, 9.25000 °O (mapo)
Nombro de loĝantoj	17983
Areo	27,51 km²
Alteco	638 m super marnivelo
Poŝtkodo	9200
Komunumkodo	3443
	Mapo de Gossau
	Mapo pri la situo de Gossau en la Elektodistrikto Sankt-Galo
	v • d • r

- La mallongigo SG en Gossau SG staras por la svisa Kantono Sankt-Galo. Por aliaj signifoj de la nomo vidu sub Gossau.

Pri la komunumo

Gossau SG (en Esperanto ankaŭ Gosaŭo SG) estas urbo kaj komunumo en la elektodistrikto Sankt-Galo, Kantono Sankt-Galo, Svislando. Ĝi havis 17073 loĝantojn je la 31-a de decembro 2007, kiu nombro kreskis al 17983 ĝis la 31-a de decembro 2011.

Geografio

Gossau situas inter la Alpstein-Masivo kaj Bodenlago rekte apud la kantona ĉefurbo Sankt-Galo. Krom la urbo Gossau mem al la komunumo apartenas la vilaĝo Arnegg.^[1]

La teritorio de la komunumo etendiĝas sur areo de 27,51 km², de kiuj 14,8% estas kovritaj de arbaro, 61,4% servas por agrikulturo kaj 21,8% por setlado. ^[2]

Najbaraj komunumoj

La komunumo Gossau limas en nordo al Waldkirch, en nordoriento al Andwil, en oriento al Sankt-Galo, en sudo al Herisau (AR), en okcidento al Flawil, kaj en nordokcidento al Oberbüren.

Trafiko

Tra la urbo pasas la kantona ĉefvojo n-ro 7 de Sankt-Galo al Vinterturo. Gossau estas haltejo de la interurbaj rapidtrajnoj inter Zuriko kaj Sankt-Galo kaj havas ankaŭ konekton al la svisa aŭtovojo A1. Flanka fervojlinio kondukas de Gossau al Bischofszell kaj pluen al Sulgen.

Historio

Unua skriba mencio de la municipo Arnegg datiĝas el donacdokumento por bieno al la Monaĥejo Sankt-Galo el la jaro 721. Unua skriba mencio de la urbo Gossau mem datas ankaŭ el donacdokumento al la Sankt-Gala Monaĥejo de la 24-a de oktobro 824.^[3]