Internacia Civila Aviada Organizaĵo

Internacia Civila Aviada Organizaĵo
faka institucio de Unuiĝintaj Nacioj eldonejo
Komenco	7-a de decembro 1944 vd
Antaŭe	International Commission for Air Navigation vd
Geografia situo	45° 30′ 1″ N, 73° 33′ 51″ U (mapo)45.500278-73.564167
Sidejo	Q125546544
Internacia Civila Aviada Organizaĵo (Montrealo) DEC
Ĝenerala(j) Sekretario(j)	Juan Carlos Salazar Gómez (en) (2021–) vd
Lingvoj	angla lingvo • franca lingvo • hispana lingvo • ĉina lingvo • araba lingvo • rusa lingvovd
Partoj ICAO Council (en) , Air Navigation Commission (en) , ICAO assembly (en) kaj ICAO secretariat (en) vd
Retejo	Oficiala retejo

La Internacia Civila Aviada Organizaĵo (ICAO) estas speciala organizaĵo de Unuiĝintaj Nacioj, kaj havas la taskon plani kaj kunordigi la civilan aviadan trafikon. Ĝi fondiĝis en 1944, surbaze de la Interkonsento de Ĉikago, kaj havas sian sidejon en Montrealo (Kanado). Pli ol 188 ŝtatoj estas membroj de la organizaĵo.

Kodo

ICAO normigas kodojn por pluraj aviadaj nocioj kiel flughavenoj, aviadaj linioj, aviadiloj.

Flughaveno

La flughavenaj kodoj konsistas el po kvar literoj (male al la IATA-kodoj, triliteraj). La unua litero indikas mondregionon aŭ grandan regnon. La dua indikas regnon, se ne jam la unua tion faris. La tria kaj kvara identigas la flughavenon. Jena tabelo klarigas la signifon de la unua litero:

mapo laŭ ICAO-kodoj

Litero	Regiono	Litero	Regiono
A	Sud-okcident-pacifika regiono	N	Sud-pacifika regiono
B	Nord-polusa regiono	O	Proksima Oriento
C	Kanado	P	Nord-pacifika regiono
D	(Norda kaj) Okcidenta Afriko	R	Orienta Azio
E	Norda Eŭropo	S	Sudameriko
F	Suda Afriko	T	Kariba regiono
G	Marbordo de okcidenta Afriko	U	KSŜ
H	Orienta Afriko	V	Suda Azio
K	Usono	W	Sud-orienta Azio
L	Suda Eŭropo	Y	Aŭstralio
M	Centra Ameriko	Z	Ĉinio kaj Mongolio

Aviadilo

La signoj antaŭ la streko indikas la ŝtaton, kie la aviadilo estas registrita (tie ĉi Belgio), kaj la signoj malantaŭ la streko indikas la aviadilon mem.

La aviadilaj kodoj konsistas plej ofte el unu aŭ du signoj, sekvataj de streko, kaj pliaj signoj. La signoj antaŭ la streko indikas la ŝtaton, kie la aviadilo estas registrita, kaj la signoj malantaŭ la streko indikas la aviadilon mem. Jen kelkaj ekzemploj:

• Belgio: OO-AAA ĝis OO-ZZZ kaj OO-A01 ĝis OO-Z99
• Germanio: D-AAAA ĝis D-ZZZZ kaj D-1000 ĝis D-9999
• Usono: N-1 ĝis N-99999, N-1A ĝis N-9999Z, N-1AA ĝis N-999ZZ

Eksteraj ligiloj

• Aviadilaj kodoj

Vidu ankaŭ

• Literumalfabeto de ICAO
• Internacia Aera Transporta Asocio
• Federacia Aviada Administracio (Usono)
• Eŭropa Aviada Sekureca Agentejo (Eŭropunio)