Cecile McLorin Salvant
Cécile McLorin Salvant (Miami, Florida, AEB, 1989) estatubatuar jazz-kantaria da.[1][2][3][4][5]
Cecile McLorin Salvant | |
---|---|
![]() (2019) | |
Bizitza | |
Jaiotza | Miami, 1989ko abuztuaren 28a (35 urte) |
Herrialdea | ![]() ![]() |
Hezkuntza | |
Heziketa | New School (en) ![]() Conservatoire Darius Milhaud (en) ![]() |
Hizkuntzak | frantsesa gaztelania ingelesa |
Irakaslea(k) | Jean-François Bonnel (en) ![]() |
Jarduerak | |
Jarduerak | abeslaria, kantugilea, ilustratzailea, jazz pianist (en) ![]() |
Lantokia(k) | Aix-en-Provence eta New York |
Jasotako sariak | ikusi
|
Genero artistikoa | jazza vocal jazz (en) ![]() |
Musika instrumentua | ahotsa pianoa |
Diskoetxea | Mack Avenue Records (en) ![]() Justin Time EmArcy Nonesuch |
cecilemclorinsalvant.com | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Thelonious Monk Nazioarteko Jazz Lehiaketako lehen saria irabazi zuen 2010ean, eta, ondoren, Cecile izeneko lehen albuma kaleratu zuen, handik gutxira.[6] Bere bigarren albuma, WomanChild, Mack Avenue Records-en argitaratu zen 2013an. 2014. urtean Jazzeko Ahots-Album Onenaren Grammy sarirako izendatu zuten Salvant.
Salvantek lau kategoriatan irabazi zuen Down Beat-en 2014. urteko Kritikarien Inkestan: Urteko Jazzeko Albuma, Emakumezko Kantaria, Jazzeko Artista Berria eta Emakumezko Kantari Berria.[7]
Hirugarren albuma, For One to Love, 2015eko irailaren 5ean kaleratu zen, New York Times, The Guardian eta Los Angeles Times kritikarieen goraipamenaz.[8][9][10] Jazzeko Ahots-Album Onenaren Grammy Saria irabazi zuen, 2016. urtean.
Biografia
aldatuSalvant Miamin jaio zen, Floridan, aita mediko haitiarra zen eta ama frantsesa, Miamiko urperatze eskola baten sortzailea eta presidentea. Salvant, bost urte zituela, hasi zen piano klasikoko ikasketak egiten, eta zortzi urte zituela hasi zen Miamiko Koru Elkartean kantatzen. Gero, ahots klasikoarekiko interesa garatu eta irakasle pribatuekin ikasten hasi zen, eta geroago , Miamiko Unibertsitateko Edward Walker ahots-irakaslearekin.[11]
2007an, Aix-en-Provencera (Frantzia) joan zen Salvant, Zuzenbidea ikastera, baita ahots-musika klasikoa eta barrokoa ere Darius Milhaud Kontserbatorioan. Aix-en-Proventcen ikasi zuen,–François Bonnel irakaslearekin batera, inprobisazioa eta instrumentu eta ahots errepertorioa, 1910eko hamarkadaz geroztikoa. Hantxe kantatu zuen bere lehen bandarekin.
2015eko ekainean Ronnie Scott's Club-en Londresen jardun zuen ekitaldian eta lan horren kritika batean, Juan Fordhamek hauxe idatzi zuen The Guardian egunkarian: "Eztandak kantatzeko ustekabeko angeluetatik ideiak ekartzen ditu, eta adimen bihurria aplikatzen du higatutako letrak aldatzeko."[12]
Musika ibilbidea
aldatuSalvant zortzi urte zituela hasi zen ahotsa ikasten, musika klasikoan interesa zuela. 2007an hasi zen jazzera aldatzen, Darius Milhaud izeneko kontserbatorioan ikasten ari zela. Salvantek dio jazzean duen eragin nagusia Sarah Vaughan dela, haurtzaroko oroitzapenak gogora ekarriz, behin baino gehiagotan entzun baititu haren kantak. Sarah Vaughanek eragin handia izan arren, Billie Holiday, Bessie Smith eta Betty Carter abeslariek ere eragin handia dute. Bere soinua jazz eta blues gisa deskribatzen du, folk eta antzerki musikaleko elementuekin. Cécile-k gutxi ezagutzen diren abestiak abesten ditu, eta gutxitan jazz- eta blues-grabatuak. Bestalde, bere abestiak konposatzen ditu, bai musika bai letra, frantsesez, bere jatorrizko hizkuntzan eta baita gaztelaniaz ere. Ospea du Europan eta Amriketako Estatu Batuetan, eta klubetan, kontzertu-aretoetan eta jaialdietan aritzen da, izen handiko musikariekin batera. Salvant jazz-aretoetan eta -jaialdietan aritu da, hala nola Londresko Ronnie Scott's, Rhode Island-eko Newporteko Jazzaldia eta beste leku batzuetan ere.
2010ean, Salvantek Cecile izeneko lehen diskoa kaleratu zuen. Handik gutxira, 21 urte zituela, Cecilek bere talentua erakutsi eta Thelonious Monk Nazioarteko Jazz Lehiaketa irabazi zuen bokalistentzat. Lehen sarian Mack Avenue Records diskoetxearekin grabazio-kontratua egin zuen, eta harekin argitaratu ditu hurrengo albumak.
2013an WomanChild bigarren albuma atera zuen, eta hainbat lorpen egin zituen. WomanChild Grammy Sarirako izendatu zuten, Ahots-Jazz Album Onenaren kategorian, 2014. urtean. Album horretarako aukeratutako abestiek jatorrizko konposizioak dituzte, baita XIX. mendetik XXI. mendera arteko konposizioak ere. Salvantek album horretako abestiak hautatu zituen, bere bizitzarekin lotura pertsonala zutela sentitzen zuen abestietan oinarrituta.
2015eko irailean, Salvantek bigarren diskoa kaleratu zuen Mack Avenue Records izenpean, For One to Love izenekoa. Album horretan, Salvantek emakume sendo eta independenteei arreta jartzea erabaki zuen. Albumak jazzaren bost lan original eta estandar ditu. 2016. urtean, albumak Jazz Ahots Album Onenaren Grammy Saria irabazi zuen.
Diskografia
aldatuBakarrean
- WomanChild (Justin Time, 2013)
- For One to Love (Mack Avenue, 2015)
- It's Christmas on Mack Avenue (Mack Avenue, 2014)
Lankidetzan
- Cécile & the Jean-François Bonnel Paris Quintet (Sysmo, 2010)
- Jacky Terrasson, Gouache (2013)
- Federico Britos Presents Hot Club of the Americas (2015)
- Jazz at Lincoln Center Orchestra, Big Band Holidays (2015)
- Fred Nardin, Jon Boutellier, Watt's (2016)
Erreferentziak
aldatu- ↑ Ratliff, Ben. (2 de noviembre de 2012). «Cécile McLorin Salvant, Jazz Vocalist, Tweaks Expectations» The New York Times.
- ↑ Brown, Latheleene Ademola. (20 de octubre de 2015). «Singer Cecile McLorin Salvant Talks New Album, and Her Personal Journey to Jazz» Essence.com.
- ↑ «Jazz Singer Cécile McLorin Salvant Doesn't Want To Sound 'Clean And Pretty'» NPR.org 4 de noviembre de 2015.
- ↑ Whitehead, Kevin. (18 de junio de 2013). «Cécile McLorin Salvant: Making Old Songs New Again» NPR.org.
- ↑ Wallace, Marissa. (11 de abril de 2014). «Getting to Know Cécile McLorin Salvant - JetMag.com» Jet Magazine.
- ↑ Midgette, Anne. (6 de octubre de 2010). «Thelonious Monk International Jazz Vocalist Competition 2010 at Kennedy Center» The Washington Post.
- ↑ «Salvant Wins Four Categories in DownBeat Critics Poll» downbeat.com July 2014.
- ↑ Nate Chinen, "Review: Cécile McLorin Salvant Wields Her Power, Drawing From Her Album ‘For One to Love’", New York Times, August 26, 2015.
- ↑ John Lewis, "Cécile McLorin Salvant: For One to Love review – more like heightened music-theatre than jazz", The Guardian, September 3, 2015.
- ↑ Mikael Wood, "Review: Cecile McLorin Salvant is still pushing herself with 'For One to Love'", Los Angeles Times, September 5, 2015.
- ↑ «English bio» Cecile McLorin Salvant.
- ↑ Fordham, John. (4 de junio de 2015). «Cecile McLorin Salvant review – jazz-informed artistry of the highest class» The Guardian.
Kanpo estekak
aldatu- Betiko lagunak, lagun berriak Berria, 2024.07.20