Espazio zunda

Espazioaren esplorazioan, espazio zunda espaziora bidaltzen den gailu bat da, Eguzki Sistema eta haraindiko argizagiak eta fenomenoak esploratzeko xedea duena. Espaziontziek ez bezala ez dute ez pertsonarik ez zamarik garraiatzen eta esploraziorako beharrezkoak den tresneria soilik daramate, mugitu eta esplorazioa eta Lurrarekiko komunikazioa burutzeko energia-sistemekin batera.

Pioneer H espazio zunda, museo batean erakusgai.

Espazio zunda batek, honako elementu hauek izaten ditu:

• argazki kamera;
• espektro aztertzaileak, osagaiak eta elementu espazialen batzuk zehazteko;
• eguzki panelak, sistemen elikadura elektrikoarentzako;
• bateriak, eguzki panelek bildutako energia metatzeko;
• komunikabide ekipoak, informazioa berriz Lurrerantz igortzeko.

Espazio zunda batzuk

• Beagle 2
• Giotto
• Hayabusa
• Lunokhod
• Mars Pathfinder
• Phoenix
• Pioneer 10
• Pioneer 11
• Rosetta
• Huygens
• Stardust
• Venera
• Voyager 1
• Voyager 2
• Viking 1
• Viking 2
• Zond

Europa, Marterantz aurrera

Gaur egun, ESAren egitasmo anbiziotsu bat, NASArekin elkarlanean, Mars Express zunda da, espazioan sei hilabete emango dituena, Marterantz iritsi arte. Bidaia honetan, espazio zundak, MARSIS izeneko tresna darama. Radar honekin, Mars Express zundak, bere tresna guztiak erabiltzeko prest ditu, planeta, atmosfera, gainazala eta lurrazpia aztertzeko. Radar horrek, hiru antena ditu: 20 metroko luzera duten bi polotako bi antena, eta 7 metroko luzera duen polo bakarreko antena bat, beste biekiko modu perpendikularrean orientatua.

Kanpo estekak

• Datuak: Q26529
• Multimedia: Space probes / Q26529