Nikolai Andrianov

Nikolai Jefimovitx Andrianov (errusieraz: Николай Ефимович Андрианов; Vladimir, Errusia, 1952ko urriaren 14a - ibidem, 2011ko martxoaren 21a) errusiar jatorriko gimnasta artistiko sobietarra izan zen. Sobietar Eskolaren gimnasta onenetakoa izan zen. Olinpiar karrera Munichen hasi zuen 1972an, eta 1980an amaitu zuen Moskun. Bitarte horretan, urrezko zazpi domina irabazi zituen, zilarrezko bost eta hiru brontzezko: bera izan da Olinpiar Jokoen historian domina gehien irabazi dituen gimnasta. 1970ean, hamasei urte zituela, Sobietar Batasuneko talde nazionalean hartu zuten ordezko gisa. 1972an irabazi zuen Munichen lehen urrezko domina lurreko ariketetan, brontzezkoa zaldi-jauzian, eta zilarrezkoa taldeen arteko lehiaketan. Montrealen, urrezko lau domina eskuratu zituen (lurrean, zaldi-jauzian, eraztunetan eta sailkapen orokorrean), bi zilarrezko (barra paraleloetan eta taldeka) eta brontzezko bat (zaldi eraztundunean). Proba orokorrean, aurrea hartu zion aurreko bi aldietan garaile izan zen Sawao Kato japoniarrari. Munduko Koparen 1975eko eta 1977ko saioetan eta 1978ko Munduko Txapelketan, lehen titulua irabazi zuen. 1980an, Olinpiar Jokoak Moskun egin zirenean, urrezko domina irabazi zuen zaldian eta taldeko proba konbinatuan, zilarrezkoa sailkapen orokorrean eta lurreko ariketetan, eta brontzezkoa barra finkoan. Berrogeita hamalau sari eskuratu zituen, guztira, karrera osoan. 1994tik 2002ra, Japongo Gimnastika Talde Nazionalaren entrenatzaile izan zen, eta Errusiara bueltatu zen gero.

Nikolai Andrianov
Gimnasta
Informazio pertsonala
Izen osoa	Nikolai Jefimovitx Andrianov
Ordezkatutako herrialdea	Sobietar Batasuna
Jaiotza	1952ko urriaren 14a Vladimir, Errusia
Heriotza	2011ko martxoaren 21a Vladimir, Errusia
Garaiera	166 zentimetro
Pisua	60 kilogramo
Diziplina	Gizonezkoen gimnasia artistikoa
Entrenatzailea	Nikolai Tolkatxev
Dominen zerrenda Olinpiar Jokoak 1972 Munich Zorua 1972 Munich Taldeka 1972 Munich Jauzia 1976 Montreal Lehiaketa osoa 1976 Montreal Zorua 1976 Montreal Eraztunak 1976 Montreal Jauzia 1976 Montreal Taldeka 1976 Montreal Paraleloak 1976 Montreal Zaldia 1980 Mosku Taldeka 1980 Mosku Jauzia 1980 Mosku Lehiaketa osoa 1980 Mosku Zorua 1980 Mosku Barra Munduko Txapelketa 1974 Varna Still Eraztunak 1974 Varna Taldeka 1974 Varna Lehiaketa osoa 1974 Varna Zaldia 1974 Varna Barra 1974 Varna Paraleloak 1978 Strasbourg Still Eraztunak 1978 Strasbourg Lehiaketa osoa 1978 Strasbourg Taldeka 1978 Strasbourg Jauzia 1978 Strasbourg Paraleloak 1979 Ft. Worth Taldeka Europako Txapelketa 1971 Madrid Zaldia 1971 Madrid Jauzia 1971 Madrid Eraztunak 1971 Madrid Paraleloak 1971 Madrid Lehiaketa osoa 1971 Madrid Zorua 1973 Grenoble Zorua 1973 Grenoble Jauzia 1973 Grenoble Lehiaketa osoa 1973 Grenoble Eraztunak 1973 Grenoble Paraleloak 1975 Bern Lehiaketa osoa 1975 Bern Zorua 1975 Bern Eraztunak 1975 Bern Jauzia 1975 Bern Paraleloak 1975 Bern Barra 1975 Bern Zaldia

Erreferentziak

Wikimedia Commonsen badira fitxategi gehiago, gai hau dutenak: Nikolai Andrianov

• Datuak: Q219309
• Multimedia: Nikolai Andrianov / Q219309